NMMK: மங்களதேவி கண்ணகி கோயில் புனரமைப்பு செய்து கும்பாபிஷேகம் நடத்த கோரிக்கை

நமது மக்கள் முன்னேற்றக் கழகத்தின் ( NMMK) சார்பில் சென்னை மாவட்ட ஆட்சியர் அலுவலகம் அருகில் மங்களதேவி கண்ணகி கோவிலை புனரமைத்து கும்பாபிஷேகம் நடத்த வலியுறுத்தி கவன ஈர்ப்பு ஆர்ப்பாட்டம் நடைபெற்றது. 

ஆர்ப்பாட்டத்திற்கு நமது மக்கள் முன்னேற்ற கழகத்தின் தலைவர் பி. எல் .ஏ ஜெகநாத் ( PLA.Jeganath Mishra ) மிஸ்ரா அவர்கள் தலைமை வகித்து சிறப்புரையாற்றினார் .

தமிழக கேரள எல்லையில் கடல் மட்டத்திலிருந்து 5000 அடி உயரத்தில் விண்ஏற்றி பாறையில் சுமார் 2000 ஆண்டுகளுக்கு முன்னர் சேரன் செங்குட்டுவனால் கட்டப்பட்டது தான் மங்களதேவி கண்ணகி கோவில். இக்கோவிலில் ஆண்டுதோறும் சித்ரா பௌர்ணமி அன்று திருவிழா நடைபெற்று வருவது வழக்கம். இக்கோவிலுக்கு தமிழகத்தில் இருந்து ஆயிரக்கணக்கான பக்தர்கள் சித்ரா பௌர்ணமி அன்று மங்களாதேவி கண்ணகியை வழிபட தமிழகத்தின் கூடலூர் பழியங்குடி வழியாக உள்ள வனப்பாதையில் நடைபயணமாக செல்வது வழக்கம். இப்பாதையானது வருடத்திற்கு ஒருமுறை மட்டுமே பராமரிப்பு செய்யப்பட்டு பொதுமக்கள் நடைபாதையாக பயன்படுத்தப்படுகிறது.

அதே நேரத்தில் தமிழக பக்தர்கள் செல்லும் வாகனங்கள் சித்ரா பௌர்ணமி தினத்தில் கேரள மாநிலத்திற்கு உட்பட்ட கொக்கர கண்டம் பாதை வழியாக செல்கிறது. இதனால் ஒவ்வொரு வருடமும் தமிழக பக்தர்கள் பெரும் சிரமத்தை சந்திக்கின்றனர். தமிழகத்துக்கு சொந்தமான கோவிலை கேரள அரசு ஆக்கிரமித்து சொந்தம் கொண்டாடுவதால் மங்கள தேவி கண்ணகியை தரிசிக்க வேண்டும் என்றால் கேரளா அரசிடம் அனுமதி பெற வேண்டிய அவநிலை இன்றளவும் உள்ளது இதனால் அங்கு தமிழரின் உரிமைகள் மறுக்கப்பட்டும் வருகிறது. வரலாற்றுச் சிறப்புமிக்க கண்ணகி கோவிலை புனரமைத்து கும்பாபிஷேகம் நடத்த சிலம்பின் சிறப்பை உலகறிய செய்ய தமிழக அரசு நடவடிக்கை எடுக்க வேண்டும். 

மத்திய தொல்லியல் கல்வெட்டுத் துறை தலைவர் கிருஷ்ணன், 

தமிழக அரசு தொல்பொருள் துறை இயக்குனர் நாகசாமி ஆகியோர் கோவிலை ஆய்வு செய்து அறிக்கை சமர்ப்பித்தனர். இவர்களின் அறிக்கை இந்திய அரசின் கல்வெட்டுத் தொகுப்பில் 1965 66-ல் வெளியாகி உள்ளது. 

இதைத்தொடர்ந்து கடந்த 1975-ல் தமிழக அரசின் வருவாய்த்துறை அதிகாரியாக இருந்த அனந்த பத்மநாபன், அறநில துறை ஆணையர் ஆர்.சி பண்டா, நில அளவை அதிகாரி முருகேசன், ஆகியோர் கேரள மாநில அதிகாரிகளுடன் கோவிலுக்கு சென்று கோவில் அமைவிடத்தை அளவீடு செய்து இக்கோவில் தமிழக எல்லையில் அமைந்திருப்பதை ஆவணங்கள் வழியாக உறுதிப்படுத்தி உள்ளனர். 

தமிழக அரசின் அன்றைய நெடுஞ்சாலைத்துறை துணை பொறியாளர் சுவாமி ஐயர் தலைமையில் அதிகாரிகள் தேனி மாவட்டம் கூடலூர் அருகே உள்ள பளியங்குடியில் இருந்து அத்தியூத்து வழியாக கண்ணகி கோவில் வரை சாலை அமைக்க பாதை பகுதிகளை அளந்து வரைபடம் தயாரித்து அப்போதைய திட்ட மதிப்பீடு ரூபாய் 67 லட்சம் என்று அறிக்கை சமர்ப்பித்தனர். 

இந்நிலையில் அன்றைய கேரளா முதல்வர் கருணாகரன் கண்ணகி கோவிலுக்கு செல்ல கேரள வனப்பகுதி வழியாக சாலை அமைக்க உத்தரவிட்டார். 

இதைத்தொடர்ந்து தேக்கடி கொக்கரக்கண்டம் வழியாக கோவிலுக்கு செல்ல சாலை அமைத்தனர் அந்த சாலை பாதுகாக்கப்பட்ட வனப்பகுதி என்பதால் அப்பகுதி வழியே கோவிலுக்கு செல்ல கேரள வனத்துறை அதிகாரிகளிடம் அனுமதி பெற்று தான் தற்போது வரை சென்று வருகிறோம். 

கடந்த 100 ஆண்டுகளுக்கு முன்பே ஆங்கிலேயர் ஆட்சி காலத்தில் கூடலூரில் இருந்து பனியன் குடி வழியாக மங்களதேவி கண்ணகி கோவிலுக்கு சென்று வழிபட நமக்கு நடைபாதை வசதி இருந்துள்ளது கோவிலுக்கு சென்று திரும்ப அன்றைய வனத்துறை அனுமதி கடிதமும் வழங்கியுள்ளது. 

கடந்த அறுபது ஆண்டுகளுக்கு முன்பு மங்களாதேவி கண்ணகி கோவிலில் ஏழு நாட்கள் வரை மக்கள் தங்கியிருந்து கொண்டாடிய சித்திரை முழு நிலவு விழா காலப்போக்கில் மூன்று நாட்களாக மாறியது பின்னர் கேரள வளத்துறையின் கெடுபடியால் தற்போது ஒரு நாள் விழாவாக மாறி உள்ளது. 

பல்வேறு வரலாற்றுச் சிறப்புமிக்க மங்களதேவி கண்ணகி கோவிலை புனரமைப்பு செய்து கும்பாபிஷேகம் நடத்த வேண்டும் எனவும் சித்ரா பௌர்ணமிக்கு மட்டும் தரிசித்து வந்த கற்புக்கரசி கண்ணகியை மாதம் தோறும் மூன்று நாட்கள் தரிசிக்க அனுமதி வழங்க வேண்டும் எனவும் நமது மக்கள் முன்னேற்ற கழகம்( NMMK )சார்பாக தமிழக அரசிடம் தாழ்மையான கோரிக்கை வைக்கிறோம்.

தமிழக பகுதி கூடலூர் பழியங்குடி வழியாக சாலை அமைக்க வலியுறுத்தி மாண்புமிகு தமிழக முதல்வர் மு க ஸ்டாலின் அவர்களை நேரில் சந்தித்து கோரிக்கை மனுவையும் நமது மக்கள் முன்னேற்ற கழகம்( NMMK )சார்பாக கொடுத்துள்ளோம் அதன் பேரில் முதற்கட்ட ஆய்வுப் பணியும் நடைபெற்று முடிந்தது. விரைவில் இவ் வழியாக சாலை அமைக்கவும் குமுளியில் கட்டப்பட்டு வரும் புதிய பேருந்து நிலையத்திற்கு கண்ணகி பெயர் சூட்டவும் மங்களதேவி கண்ணகி கோவிலை அரசுடமையாக்கி கும்பாபிஷேகம் நடத்தவும் இன்று சிலம்பு ஏந்திய கவன ஈர்ப்பு ஆர்ப்பாட்டத்தை நடத்தினோம் என்று நமது மக்கள் முன்னேற்றக் கழகத்தின் தலைவர் ஜெகநாத் மிஸ்ரா கூறினார்.