செய்திகள் :

தமிழ்குமரன் காங்கிரஸில் சேர்ந்தது முதல் பாமக-விலிருந்து நீக்கப்பட்டது வரை! - நடந்தது என்ன?

post image

குடும்பத்திற்குள் ஏற்பட்ட பிரச்னையால் இரண்டாகப் பிளவுபட்ட பாமக-வில் அன்புமணி ராமதாஸ் தலைமையிலான அணி, தேசிய ஜனநாயகக் கூட்டணியில் இணைந்து தேர்தலைச் சந்திக்கிறது.

அன்புமணி, ராமதாஸ், ஜி.கே.மணி

அதே நேரம், டாக்டர் ராமதாஸ் தலைமையிலான அணியோ திமுக, அதிமுக, தவெக என கூட்டணியில் சேர முயற்சித்தும் எதுவும் நடக்காத நிலையில், சசிகலா தொடங்கிய கட்சியுடன் கூட்டணி வைத்துள்ளதாக அறிவித்துள்ளது.

சசிகலாவுடனான கூட்டணிக்கு சட்டமன்ற உறுப்பினர் அருள் உள்ளிட்ட நிர்வாகிகள் அதிருப்தி தெரிவித்து வரும் நிலையில், ஜி.கே.மணி உள்ளிட்ட சில நிர்வாகிகள் ராமதாஸின் முடிவுக்கு ஆதரவாக இருந்து வருகிறார்கள்.

இந்த நிலையில்தான் ஜி.கே.மணியின் மகனும், பாமக இளைஞர் சங்கத் தலைவருமான தமிழ்குமரன், காங்கிரஸில் இணந்துள்ளது பரபரப்பை ஏற்படுத்தியது.

தான் வெற்றி பெற்ற பென்னாகரம் தொகுதியில் மகன் தமிழ்குமரனை நிறுத்தலாம் என்று ஜி.கே.மணி திட்டமிட்டிருந்ததாகவும், பாமக பிளவுபட்ட சூழலில் திமுக மற்றும் அதிமுக கூட்டணிகள் பலமாக உள்ளதால், சசிகலா கட்சிக் கூட்டணியை நம்பி போட்டியிடுவது வெற்றியைத் தராது என்பதால் இந்த தேர்தலில் மகனை நிறுத்தலாமா வேண்டாமா என்று யோசித்துக் கொண்டிருந்ததாகவும் சொல்லப்படுகிறது.

தமிழ்குமரன்
தமிழ்குமரன்

இந்த நிலையில்தான் தன்னுடைய தொடர்புகள் மூலம் காங்கிரஸ் கட்சியில் இணைந்துள்ளார் தமிழ்குமரன். ஐந்து மாதங்களுக்கு முன்புதான் பாமக இளைஞர் சங்கத்தின் தலைவர் பொறுப்பை தமிழ்குமரனுக்கு ராமதாஸ் வழங்கியிருந்தார். ஜி.கே.மணி குடும்பத்தினருக்கு டாக்டர் ராமதாஸ் அதிக முக்கியத்துவம் கொடுத்ததும்தான், பாமக-வுக்குள் பிரச்னை வர காரணம் என்றும் சொல்லப்பட்டது.

தற்போது காங்கிரஸில் இணந்துள்ள தமிழ்குமரன், பென்னாகரத்தில் போட்டியிடுவார் என்று சொல்லப்படுகிறது. அதைத் தொடர்ந்து பாமக இளைஞர் சங்க தலைவர் பொறுப்பு உட்பட கட்சியின் அடிப்படை உறுப்பினர் பொறுப்பிலிருந்து தமிழ்குமரனை நீக்கி, டாக்டர் ராமதாஸ் உத்தரவிட்டுள்ளார்.

தமிழ்குமரன் காங்கிரஸில் சேர்ந்தது, அதன் மூலம் தொகுதியைப் பெறவுள்ளது எல்லாம் ஜி.கே.மணிக்குத் தெரியும் என்று சொல்லப்படும் நிலையில், தற்போது டாக்டர் ராமதாஸ் தன் மகன் மீது எடுத்துள்ள நடவடிக்கையின்போதும் ஜி.ஜே.மணியும் உடன் இருந்துள்ளார்.

இது ராமதாஸ் தலைமையிலான பாமக முகாமில் சலசலப்பை ஏற்படுத்தியிருக்கிறது.

தமிழ்நாடு சட்டமன்ற தேர்தல் 2026 : வேட்புமனு முதல் வேட்பாளர்கள் வரை.! key Details | Full schedule

தேர்தல் அறிவிப்பு :தமிழ்நாடு, கேரளா, மேற்கு வங்கம், அசாம் ஆகிய நான்கு மாநிலங்களுக்கும் யூனியன் பிரதேசமான புதுச்சேரிக்கும் தேர்தல் தேதியை அறிவித்திருக்கிறது இந்தியத் தேர்தல் ஆணையம். அதன்படி, ஒரே கட்டமா... மேலும் பார்க்க

கட்சித் தாவும் தலைவர்கள்... அதிருப்தி அலையால் அல்லாடும் காங்., பாஜக - `அதகள' அஸ்ஸாம் தேர்தல் களம் !

காங்கிரஸ் டு பாஜகஇந்திய அரசியலில் வடகிழக்கு மாநிலங்களின் நுழைவுவாயிலாகக் கருதப்படும் மாநிலம், அஸ்ஸாம். இந்தியாவில் இன்னும் சில வாரங்களில் சட்டமன்றத் தேர்தலை எதிர்க்கொள்ளவிருக்கும் ஐந்து மாநிலங்களில் அ... மேலும் பார்க்க

`ஹார்முஸ் ஜலசந்தியை திறப்பதெல்லாம் இருக்கட்டும்; அதை விட...'- ஈரான் போரில் ட்ரம்ப்-ன் அடுத்த பிளான்?

ஈரான் போர் ஐந்தாவது வாரமாக நடந்து கொண்டிருக்கிறது. இது இந்தப் போரில் சம்பந்தப்பட்டுள்ள ஈரான், அமெரிக்கா, இஸ்ரேல் ஆகிய நாடுகளை மட்டும் பாதிக்கவில்லை. இந்தப் போரினால் கச்சா எண்ணெய் விலை உயர்வு, கச்சா எண... மேலும் பார்க்க

பாஜக-வில் இணைந்த பிரபல டென்னிஸ் வீரர் லியாண்டர் பயாஸ் - மே.வங்க தேர்தலில் போட்டியா?!

மேற்கு வங்க சட்டமன்றத் தேர்தலோடு சேர்ந்து மொத்தம் 5 மாநிலச் சட்டமன்றத் தேர்தல் நடக்கிறது. மேற்கு வங்கத்தில் நடக்க இருக்கும் இத்தேர்தலில் எப்படியும் வெற்றி பெற்றுவிட வேண்டும் என்பதில் பா.ஜ.க தீவிரமாக இ... மேலும் பார்க்க

ஈரான் போருக்கு ஆகும் செலவுகள்; அரபு நாடுகளின் தலையில் கட்டப்போகிறாரா ட்ரம்ப்?

கடந்த பிப்ரவரி 28-ம் தேதி, அமெரிக்காவும், இஸ்ரேலும் சேர்ந்து ஈரானைத் தாக்கத் தொடங்கின. முதல் நாளிலேயே, ஈரானின் உச்ச தலைவர் கமேனி கொல்லப்பட்டார். இந்தப் போர் இன்னும் முடிந்தபாடில்லை… தொடர்ந்துகொண்டே இர... மேலும் பார்க்க

``தேர்தல் வாக்குறுதி என்று சொல்லாதீர்கள், அவை வெறும் இலவச அறிவிப்புகள்" - சீமான் காட்டம்

தமிழ்நாட்டின் சட்டமன்றத் தேர்தலை முன்னிட்டு அரசியல் கட்சித் தலைவர்கள் பரபரப்பாக இயங்கிக்கொண்டிருக்கின்றனர். இந்த நிலையில், நேற்று கொளத்தூரில் விஜய் பிரசாரம் மேற்கொள்ள சென்றது தொடர்பாக விஜய் மீது 5 பிர... மேலும் பார்க்க