செய்திகள் :

மதுரையில் Hockey Junior WC: இங்கிலாந்து vs நெதர்லாந்து - `விறு விறு போட்டி' இறுதியில் வென்றது யார்?

post image

மதுரை, தமிழ்நாடு விளையாட்டு அரங்கில் நடைபெற்று வரும் 14வது சர்வதேச ஆடவர் ஹாக்கி இளையோர் உலகக் கோப்பை போட்டியின் இரண்டாவது நாள் முதல் போட்டி மிதமான மழையுடன் தொடங்கியது. ரசிகர்களின் ஆரவாரத்துடன் தொடங்கிய இப்போட்டியில் இங்கிலாந்து - நெதர்லாந்து அணிகள் மோதின.

முதல் கால் பாதி தொடங்கிய சற்று நேரத்தில் நெதர்லாந்து அணிக்காக முதல் கோலை அடித்து அசத்தினார் லேன்ட் யான். நெதர்லாந்து அணியின் அட்டகாசமான டிஃபென்ஸ், இங்கிலாந்து அணியை சிறிது நிலை குலையச் செய்தாலும், ஆட்டத்தின் முதல் பெனால்டி கார்னரை வழங்கியது நெதர்லாந்து அணி.

Hockey Junior WC
Hockey Junior WC

இந்த வாய்ப்பைப் பயன்படுத்தி தன்னுடைய அணிக்காக முதல் கோலை அடித்து ரசிகர்களை ஆர்ப்பரிக்கச் செய்தார் இங்கிலாந்து அணியின் ட்ரேஸி கேடன். நெதர்லாந்து அணி 1, இங்கிலாந்து அணி 1 என்ற கணக்கில் முதல் கால் பாதி முடிந்தது.

இந்நிலையில் இரண்டாம் கால் பாதி தொடங்கிய பின், ஆட்டத்தின் வேகம் குறைந்து கொண்டே வர, சரியாக நான்காவது நிமிடத்தில் நெதர்லாந்து அணியின் கேப்டன் வீன் காஸ்பர் தன் அணிக்காக இரண்டாவது கோலை அடித்தார்.

பின்பு கோல் அடித்தே தீர வேண்டும் என்ற கட்டாயத்தில் இங்கிலாந்து இருந்த நிலையில் அணிக்காக இரண்டாவது கோலை அடித்தார் ரோய்டன் மைக்கேல். இரு அணிகளும் ஒன்றுக்கொன்று சளைக்காமல் விளையாடி 2-2 என்ற கணக்கில் முதல் பாதியை நிறைவு செய்தனர்.

மூன்றாம் கால் பாதி தொடங்கி, சரியாக ஆறாவது நிமிடத்தில் பெனால்டி ஸ்ட்ரோக்கை வழங்கியது இங்கிலாந்து அணி. இதை கனகச்சிதமாகப் பயன்படுத்தி நெதர்லாந்து அணிக்காக மூன்றாவது கோலை அடித்தார் வோல்பர்ட் யோப்பே. மூன்றாவது கால் பாதியின் முடிவில் நெதர்லாந்து 3, இங்கிலாந்து 2 என்ற கணக்கில் இருந்தனர்.

நான்காவது கால் பாதியின் பதினொன்றாம் நிமிடத்தில் நெதர்லாந்து அணிக்காக நான்காவது கோலை அடித்தார் லேன்ட் யான். ஆனால் சற்றும் எதிர்பாராத விதமாக அடுத்த அரை நிமிடத்தில் இங்கிலாந்து அணிக்கான மூன்றாவது கோலை விளாசி ரசிகர்களை ஆச்சரியத்துக்குள்ளாக்கினார் ஃப்லெச்சர் ஜார்ஜ்.

Hockey Junior WC
Hockey Junior WC
Hockey Junior WC
Hockey Junior WC
Hockey Junior WC
Hockey Junior WC
Hockey Junior WC

இங்கிலாந்து அணி அடுத்த கோலை அடித்துவிடுமோ என்ற அச்சத்தில் விளையாடிய நெதர்லாந்து அணிக்கு, எதிர்பாராத விதமாக பெனால்டி கார்னர் கிடைத்தது. இந்த வாய்ப்பைப் பயன்படுத்தி தன்னுடைய ஐந்தாவது கோலை அடித்து போட்டியில் தங்களின் ஆதிக்கத்தைத் தக்கவைத்து 5-3 என்ற கணக்கில் போட்டியில் வாகை சூடியது நெதர்லாந்து அணி.

Hockey Men's Junior WC 2025: ஓமன் அணியை ரவுண்டு கட்டிய இந்திய வீரர்கள்; 17 - 0 என அபரா வெற்றி!

ஆடவர் ஹாக்கி ஜூனியர் உலகக் கோப்பை நேற்று (நவம்பர் 28) முதல் தமிழ்நாட்டில் நடைபெற்று வருகிறது.டிசம்பர் 10 வரை இத்தொடரில் அனைத்து போட்டிகளும் மதுரை மற்றும் சென்னையில் நடைபெறும்.24 அணிகள் விளையாடும் இத்த... மேலும் பார்க்க

சென்னையில் ஹாக்கி இளையோர் உலகக்கோப்பை: சிலி அணியை பந்தாடிய இந்திய அணி! | A Photo Highlights

Junior Hockey WC: ஹாக்கி இளையோர் உலகக்கோப்பைJunior Hockey WC: ஹாக்கி இளையோர் உலகக்கோப்பைJunior Hockey WC: ஹாக்கி இளையோர் உலகக்கோப்பைJunior Hockey WC: ஹாக்கி இளையோர் உலகக்கோப்பைJunior Hockey WC: ஹாக்கி... மேலும் பார்க்க

Junior Hockey WC: ஹாக்கி உலகக் கோப்பையில் ரோஹித் தலைமையில் இந்திய அணி அபாரம்; பந்தாடப்பட்ட சிலி அணி!

ஆடவர் ஜூனியர் ஹாக்கி உலகக் கோப்பை நேற்று தமிழகத்தில் தொடங்கியது.நவம்பர் 28 முதல் டிசம்பர் 10 வரையில் நடைபெறும் இத்தொடரில் மொத்தமாக 24 அணிகள் பங்கேற்றிருக்கின்றன. அவை 6 குழுக்களாகப் பிரிக்கப்பட்டிருக்க... மேலும் பார்க்க

Hockey Junior World Cup : மதுரையில் இளையோர் உலகக் கோப்பை - முதல் போட்டியில் அசால்ட் செய்த ஜெர்மனி!

மதுரை, தமிழ்நாடு விளையாட்டு அரங்கில் நடைபெற்ற 14-வது சர்வதேச ஆடவர் ஹாக்கி இளையோர் உலகக் கோப்பையின் முதல் ஆட்டத்தில் நடப்பு சாம்பியனான ஜெர்மனி அணி மற்றும் தென் ஆப்பிரிக்கா அணிகள் மோதின.இந்த போட்டியை, இ... மேலும் பார்க்க