கடந்த 5 ஆண்டுகளில் 120 அரசு அதிகாரிகள் பணிநீக்கம்: ஒடிசா முதல்வர்
காட்டுமன்னாா்கோவில் அருகே குமராட்சி கீழவன்னியூரில் உள்ள எம்.ஜி.ஆா். அரசு கலை, அறிவியல் கல்லூரியில் அரசுப் பணிக்கான போட்டித் தோ்வுகளை எதிா்கொள்வதற்கான புத்தகக் கண்காட்சி, விழிப்புணா்வு நிகழ்ச்சி வியாழக்கிழமை நடைபெற்றது.
கடலூா் மாவட்ட ஆதிதிராவிடா் மற்றும் பழங்குடியினருக்கான பயிற்றுவிப்பு வழிகாட்டு மையம், கல்லூரியின் வேலைவாய்ப்பு அமைப்பு இணைந்து கல்லூரி கூட்டரங்கில் நடத்திய இந்த நிகழ்ச்சியில், 300-க்கும் மேற்பட்ட மாணவ, மாணவிகள் பங்கேற்றனா்.
கல்லூரி முதல்வா் செ.மீனா தலைமை வகித்து வழிகாட்டு மையம் சாா்பில் நடத்தப்பட்ட கட்டுரைப் போட்டியில் வெற்றிபெற்ற மாணவிகளுக்கு பரிசுகள் வழங்கிப் பேசினாா். கல்லூரியின் வேலைவாய்ப்பு அலுவலா் ஆா்.சரவணன் வரவேற்றாா்.
கடலூா் ஆதிதிராவிடா் மற்றும் பழங்குடியினருக்கான பயிற்றுவிப்பு, வழிகாட்டு மையத்தின் மாவட்ட வேலைவாய்ப்பு அலுவலா் (பொ) சாய் பிரியா சிறப்பு விருந்தினராகப் பங்கேற்று கல்லூரி மாணவ, மாணவிகளுக்கு போட்டித் தோ்வுகளை எதிா்கொள்வதற்கு படிக்க வேண்டிய புத்தகங்கள், அரசு சாா்பில் மாணவ, மாணவா்களுக்கு வழங்கப்படும் வகுப்புகள் குறித்தும், இணையவழி வகுப்புகள் குறித்தும் விளக்கமாகப் பேசினாா்.
தொடா்ந்து, மாணவா்கள் தொழில் தொடங்குவது, கடனுதவி பெறுவது குறித்து மாவட்ட தொழில் மையத்தைச் சோ்ந்த விபித் பேசினாா். போட்டித் தோ்வுகளுக்கு தயாராகும் காலத்தில் பின்பற்ற வேண்டிய அட்டவணைகள் குறித்து தன்னாா்வ பேச்சாளா் ஸ்ரீதா் மாணவா்களுக்கு விழிப்புணா்வு ஏற்படுத்தினாா். முன்னதாக, கல்லூரி முதல்வா் புத்தகக் கண்காட்சியை தொடங்கிவைத்தாா். மாவட்ட வேலைவாய்ப்பு அலுவலகத்தைச் சோ்ந்த சுரேஷ் நன்றி கூறினாா்.
