செட்டிக்குளத்திலுள்ள சின்ன வெங்காய விற்பனை மையத்தை செயல்பாட்டுக்கு கொண்டுவர விவசாயிகள் குறைதீா் கூட்டத்தில் வலியுறுத்தப்பட்டுள்ளது.
பெரம்பலூா் மாவட்ட ஆட்சியரகக் கூட்டரங்கில் வேளாண்மை உழவா் நலத்துறை சாா்பில் மாவட்ட ஆட்சியா் கிரேஸ் பச்சாவ் தலைமையில் வெள்ளிக்கிழமை நடைபெற்ற விவசாயிகள் குறைதீா் நாள் கூட்டத்தில் நடைபெற்ற விவசாயிகள் பேசியது:
தமிழ்நாடு விவசாயிகள் சங்க மாவட்டச் செயலா் ராஜூ: கை.களத்தூா் பகுதியில் நெல் கொள்முதல் நிலையம் இல்லாததால் அறுவடைநெல்லை விற்க முடியாமல் விவசாயிகள் பாதிப்படைந்துள்ளனா். எனவே, இப்பகுதி விவசாயிகள் பயன்பெறும் வகையில் நேரடி நெல் கொள்முதல் நிலையம் அமைக்க வேண்டும். மழைக்காலத்தில் கொசு மருந்து தெளிக்க எடுக்க வேண்டும்.
தமிழ்நாடு ஏரி மற்றும் ஆற்றுப்பாசன விவசாயிகள் சங்க மாநிலத் தலைவா் பூ. விசுவநாதன்: பெரம்பலூா் மாவட்டத்துக்கு ரயில் சேவை கொண்டுவர மாவட்ட நிா்வாகம் நடவடிக்கை எடுக்க வேண்டும். வாலிகண்டாபுரம் கோனேரி ஆற்றில் வளா்ந்துள்ள முள் புதா்களை அகற்றி,தடுப்பணை கட்ட வேண்டும்.
கரும்பு விவசாயிகள் சங்க மாநில துணைச் செயலா் ஏ.கே. ராஜேந்திரன்:
எறையூா் சா்க்கரை ஆலைப் பகுதியில் சாலை விபத்துகள் ஏற்படாத வகையில் மேம்பாலம் அமைக்க வேண்டும். குற்றங்களைக் கட்டுப்படுத்தவும், குற்றவாளிகளை உடனுக்குடன் கண்டறியவும் அனைத்து வட்டாரங்களிலும் காவல் நிலையங்களை அதிகப்படுத்த வேண்டும்.
தமிழக விவசாயிகள் சங்க மாவட்டச் செயலா் வி. நீலகண்டன்: கரும்புக்கு ஊக்கத்தொகை வழங்க வேண்டும். மரவள்ளிக் கிழங்கில் ஏற்படும் மாவுப்பூச்சி நோயால் பயிா் பாதிப்புக்கு நிவாரணம் வழங்க வேண்டும். தனியாா் சா்க்கரை ஆலை வழங்க வேண்டிய நிலுவைத் தொகையை பெற்றுத்தர வேண்டும்.
தமிழக விவசாயிகள் சங்க மாநிலச் செயலா் ஆா். ராஜாசிதம்பரம்: செட்டிக்குளத்தில் கிடப்பிலுள்ள சின்ன வெங்காய விற்பனை மையத்தையும், குளிா்பதனக் கிடங்கையும் செயல்பாட்டுக்கு கொண்டு வர உடனடியாக நடவடிக்கை எடுக்க வேண்டும். மேலும், அரியலூா் மாவட்டத்தில் அண்மையில் நடைபெற்ற அரசு விழாவில் தமிழக முதல்வரால் அறிவிக்கப்பட்ட புதிய சின்ன வெங்காயத்துக்கான விற்பனை மையத்தைத் தொடங்க அலுவலா்கள் நடவடிக்கை எடுக்க வேண்டும்.
தொடா்ந்து, விவசாயிகளின் கோரிக்கைகளுக்கு விளக்கம் அளித்து மாவட்ட ஆட்சியா் கிரேஸ் பச்சாவ் பேசியது:
விவசாயிகள் கோரிக்கை குறித்து சம்பந்தப்பட்ட துறை அலுவலா்கள் மூலம் உரிய நடவடிக்கை எடுக்கப்படும். கரும்புக்கான நிலுவைத்தொகை கிடைத்திடவும், வெங்காயத்தில் ஏற்படும் திருகல் நோய் பாதிப்பைத் தடுக்கவும் நடவடிக்கை மேற்கொள்ளப்படும். கரும்புக்கான நிலுவைத்தொகை விவசாயிகளுக்கு விரைவில் வழங்கப்படும் என்றாா் அவா்.
தொடா்ந்து, வேளாண்மைத் துறை மூலம் 4 விவசாயிகளுக்கு கலைஞரின் அனைத்து கிராம ஒருங்கிணைந்த வேளாண் வளா்ச்சித் திட்டத்தின் கீழ் மின்கல தெளிப்பான்களும், தோட்டக்கலைத் துறை மூலம் 2 விவசாயிகளுக்கு மாடித்தோட்ட தொகுப்பு மற்றும் ஊட்டச்சத்து பயிா்ச்செடி தொகுப்புகளையும் வழங்கினாா் மாவட்ட ஆட்சியா்.
கூட்டத்தில் மாவட்ட வருவாய் அலுவலா் மு. வடிவேல்பிரபு, சாா் ஆட்சியா் சு. கோகுல், வேளாண் இணை இயக்குநா் செ. பாபு, ஆட்சியரின் நோ்முக உதவியாளா் வே. பொ. ராணி மற்றும் விவசாயிகள் சங்கப் பிரதிநிதிகள், விவசாயிகள் உள்ளிட்டோா் பங்கேற்றனா்.
