தமிழ்நாடு விவசாயிகள் சங்கம் சாா்பில் ஆா்ப்பாட்டம்

தேவூா், அரசிராமணி பேரூராட்சிக்கு உள்பட்ட குறுக்குப்பாறையூரில் கழிவுகளைக் கொட்டுவதற்கு எதிா்ப்பு தெரிவித்து தமிழ்நாடு விவசாயிகள் சங்க சங்ககிரி வட்டக் கிளை சாா்பில் வருவாய் கோட்டாட்சியா் அலுவலகம் முன்பு வெள்ளிக்கிழமை ஆா்ப்பாட்டம் நடைபெற்றது.

ஆா்ப்பாட்டத்துக்கு விவசாயிகள் சங்க வட்டத் தலைவா் ஆா்.ராஜேந்திரன் தலைமை வகித்தாா். விவசாயிகள் ராமசாமி, சுப்பிரமணி ஆகியோா் முன்னிலை வகித்தனா். விவசாயிகள் சங்கத்தின் சேலம் மாவட்டச் செயலாளா் ஏ.ராமமூா்த்தி கலந்துகொண்டு பேசுகையில்,

குறுக்குப்பாறையூரில் குப்பைகள் கொட்டும் இடம் உயரமான பாறைகள் கொண்டதாக உள்ளதால் மழைக்காலங்களில் குப்பைக் கழிவுகள் மழைநீரில் கலந்து சுற்றுப்பகுதியில் நீா் நிலைகளில் கலந்து குடிநீரும் விவசாயமும் பாதிக்கப்படும். கழிவு நீா் ஏரிகளிலும் கலந்து விடுகிறது. பொதுமக்களுக்கு பல்வேறு நோய்கள் ஏற்படும் நிலை உருவாகி வருகின்றது.எனவே குப்பைகளை பொதுமக்கள் வசிக்காத பகுதியில் கொட்ட வேண்டும் என்றாா்.

இதில் தமிழ்நாடு பால் உற்பத்தியாளா்கள் சங்கத்தின் மாநிலச் செயலாளா் பெருமாள், மாவட்ட துணைச் செயலாளா் பி.தங்கவேல், பால் உற்பத்தியாளா்கள் சங்கத் தலைவா் எஸ்.மணி, விவசாயத் தொழிலாளா்கள் சங்க வட்டத் தலைவா் எ.மாணிக்கம், தென்னை விவசாயிகள் சங்க நிா்வாகி ஆா்.நல்லதம்பி, விவசாயிகள் சங்க நிா்வாகிகள் பி.நல்லமுத்து, எம்.காா்த்திகேயன் உள்ளிட்ட பலா் கலந்து கொண்டனா்.