பெரம்பலூரில் சனிக்கிழமை கட்டுமானப் பணியில் ஈடுபட்டிருந்த தொழிலாளி மின்சாரம் பாய்ந்ததில் உயிரிழந்தாா்.
பெரம்பலூா் அருகேயுள்ள எளம்பலூா் 3- ஆவது வாா்டைச் சோ்ந்தவா் ஆசைத்தம்பி மகன் தனுஷ் (21). இவருக்கு திருமணமாகி மனைவி லாவண்யா (20) உள்ளாா். கட்டடத் தொழிலாளியான இவா், பெரம்பலூா் வெங்கடேசபுரத்திலுள்ள புதிய கட்டடத்தில் வேலைசெய்து வந்தாா். இந்நிலையில், சனிக்கிழமை காலை இயந்திரத்தின் மூலம் கம்பிகளை வெட்டிக்கொண்டிருந்தபோது, எதிா்பாராதவிதமாக மின்சாரம் பாய்ந்ததில் மயங்கி கீழே விழுந்தாா். இதையடுத்து, அவருடன் பணிபுரிந்த சக பணியாளா்கள் தனுஷை மீட்டு சிகிச்சைக்காக மாவட்ட அரசு தலைமை மருத்துவமனைக்கு கொண்டு சென்றனா். அங்கு, அவரை பரிசோதித்த மருத்துவா்கள் ஏற்கெனவே தனுஷ் உயிரிழந்துவிட்டதாக தெரிவித்தனா். இதுகுறித்து ஆசைத்தம்பி அளித்த புகாரின்பேரில், பெரம்பலூா் போலீஸாா் வழக்குப் பதிந்து விசாரணை மேற்கொண்டு வருகின்றனா்.
