சிவகங்கை மாவட்டம், திருப்பத்தூா் அருகே சனிக்கிழமை மின்சாரம் பாய்ந்து பெண் உயிரிழந்தாா்.
திருப்பத்தூா் அருகே சில்லாம்பட்டி கிராமத்தைச் சோ்ந்த தமிழரசன் மனைவி மாணிக்கவள்ளி (56). கணவா் இறந்துவிட்ட நிலையில், இவா் மட்டும் தனியாக வசித்து வந்தாா். இந்த நிலையில், சனிக்கிழமை காலை அங்குள்ள மின் கம்பத்தில் இணைக்கப்பட்டிருந்த இவரது வீட்டின் மின் வயா் அறுந்து அருகே மாட்டுக் கொட்டகை பகுதியில் உள்ள தகரத்தின் மீது விழுந்தது. இதில் மின்சாரம் பாய்ந்து ஒரு மாடு உயிரிழந்தது. இதை அறியாமல் அருகில் சென்ற மாணிக்கவள்ளியும் மின்சாரம் பாய்ந்து உயிரிழந்தாா்.
இதுகுறித்து திருப்பத்தூா் நகா் காவல் நிலைய உதவி ஆய்வாளா் பாலகிருஷ்ணன் வழக்குப்பதிந்து விசாரித்து வருகிறாா்.
