RR: ராஜஸ்தான் அணியை வாங்கிய அமெரிக்க தொழிலதிபர் கல் சோமானி! - யார் இவர்? என்ன விலை?

ஐபிஎல் தொடரில் ஆர்சிபி அணியைத் தொடர்ந்து ராஜஸ்தான் ராயல்ஸ் அணியும் விற்பனைக்கு வந்திருப்பதாக சமீபத்தில் தகவல்கள் வெளியாகி இருந்தன.

ராஜஸ்தான் அணியின் பங்குகளில் மனோஜ் படாலே 65 சதவீதப் பங்குகளையும், ரெட் பேர்ட் கேப்பிடல் பார்ட்னர்ஸ் 15 சதவீதப் பங்குகளையும், லாக்லன் முர்டோக் 13 சதவீதப் பங்குகளையும் கொண்டிருந்தனர்.

ராஜஸ்தான் அணியை வாங்க ஆதித்யா பிர்லா குழுமம், டேவிட் பிளிட்சர், கல் சோமானி மற்றும் வால்மார்ட் வாரிசு ராப் வால்டன், டைம்ஸ் ஆஃப் இந்தியா, கேப்ரி குளோபல், ஆர்செலர் மிட்டல் போன்ற தொழிலதிபர்களும், முன்னணி நிறுவனங்களும் ஆர்வம் காட்டி வருவதாகத் தகவல் வெளியாகி இருந்தன.

இந்நிலையில் அமெரிக்காவைச் சேர்ந்த தொழிலதிபர் கல் சோமானி ராஜஸ்தான் ராயல்ஸ் அணியை சுமார் 13, 500 கோடிக்கு வாங்கி இருக்கிறார். வால்மார்ட், ஃபோர்டு நிறுவனங்களின் முக்கியப் பங்குதாரராக கல் சோமானி இருக்கிறார் என்பது குறிப்பிடத்தக்கது.