`திமுக நாசமாக போனதற்கு, திமுக-வினர் தான் காரணம்' - முன்னாள் அமைச்சர் மூர்த்தி
சூர்யாவின் 'கருப்பு' படம் வசூல் ரீதியாக பெரிய வெற்றியைப் பெற்றிருக்கிறது. ஆர்.ஜே. பாலாஜி இயக்கத்தில் உருவான இப்படத்திற்கு சாய் அபயங்கர் இசையமைத்திருந்தார்.
இத்திரைப்படம் மே 15-ஆம் தேதி திரையரங்குகளில் வெளியானது. இதன் பிறகு ஜோதிகா, சோனாக்ஷி சின்ஹா ஆகியோர் நடிப்பில் உருவான 'சிஸ்டம்' திரைப்படம் கடந்த மே 22-ஆம் தேதி அமேசான் ப்ரைம் ஓடிடி தளத்தில் வெளியானது.
'கருப்பு' திரைப்படம் வெளியான சமயத்தில் இப்படத்தின் ஸ்பெஷல் காட்சிக்கு சூர்யா குடும்பத்துடன் சென்றிருந்த காணொளி இணையத்திலும் வைரலானது.
தற்போது அத்திரைப்படம் பற்றி தன்னுடைய சமூக வலைதளப் பக்கத்தில் பதிவிட்டிருக்கிறார் சூர்யா.
அந்தப் பதிவில் அவர், "தாமதமான பதிவுதான், இருந்தாலும் இதைச் சொல்ல வேண்டும். 'சிஸ்டம்' திரைப்படம் சுவாரஸ்யமான மற்றும் நம்மை கட்டிப்போடும் திரைப்படம்.
அழுத்தமான நடிப்போடும், பல அடுக்குக் கதைக் களத்தோடும் இந்தத் திரைப்படத்தை உருவாக்கியதற்காக இயக்குநருக்கும் படக்குழுவினருக்கும் பாராட்டுகள். சோனாக்ஷி சின்ஹா, நேஹாவாக நடித்திருந்தது மிகவும் பவர்ஃபுல்லாக இருந்தது.
ஜோதிகா அவர் நடித்த கதாபாத்திரமாகவே முற்றிலும் மாறிவிட்டதை பார்த்தேன். நான் எப்போதுமே அறிந்த ஒன்றை இப்போது இந்த உலகமே பார்க்கிறது. உங்களது மௌனம் வார்த்தைகளை விட சத்தமாகப் பேசுகிறது.
உங்களை நினைத்து மிகவும் பெருமைப்படுகிறேன் பொண்டாட்டி. ப்ரைம் வீடியோ தளத்தில் இந்தத் திரைப்படம் பெற்று வரும் அசாத்தியமான வரவேற்பிற்கு வாழ்த்துகள்" எனக் குறிப்பிட்டுப் பதிவிட்டிருக்கிறார்.
