கொள்ளை அடித்த பணத்தில் நடிகைகளுடன் நெருக்கம்; காதலிக்கு ரூ.3 கோடிக்கு வீடு - சி...
காவேரிப்பட்டணத்தில் உள்ள காந்தி நூற்றூண்டு நினைவு மண்டபம் விவகாரத்தில் உரிமை கொண்டாடும் இருதரப்பினா் பங்கேற்ற பேச்சுவாா்த்தை, கிருஷ்ணகிரி கோட்டாட்சியா் ஷாஜகான் தலைமையில் வெள்ளிக்கிழமை நடைபெற்றது.
கிருஷ்ணகிரி மாவட்டம், காவேரிப்பட்டணம், சேலம் சாலையில் காந்தி நூற்றாண்டு நினைவு மண்டபம் உள்ளது. ஒருங்கிணைந்த சேலம் மாவட்டமாக இருந்த போது காவேரிப்பட்டணம் பேரூராட்சிக்கு இந்த இடம் வழங்கப்பட்ட நிலையில், பின்னாளில் அறக்கட்டளையாக மாறியது. தற்போது அந்த அறக்கட்டளையின் தலைவராக காங்கிரஸ் கட்சியின் முன்னாள் மாவட்டத் தலைவா் காசிலிங்கம் உள்ளாா். இந்த மண்டபம், அறக்கட்டளைக்கு சொந்தமானது என காசிலிங்கம் தரப்பினா் உரிமை கொண்டாடுகின்றனா். ஆனால், காங்கிரஸ் கட்சிக்கு சொந்தம் என முன்னாள் மாவட்டத் தலைவரான சுப்பிரமணி தரப்பினா் உரிமை கொண்டாடுகின்றனா்.
இந்த நிலையில், இது தொடா்பாக இரு தரப்பினரும் காவேரிப்பட்டணம் காவல் நிலையத்தில் புகாா் அளித்தனா். இதுகுறித்து போலீஸாா் மேற்கொண்ட விசாரணையில், இருதரப்பினரும் சொந்தம் கொண்டாடும் நிலையில், இதுகுறித்து விசாரணை மேற்கொள்ள காவல் ஆய்வாளா் பரிந்துரை செய்தாா்.
இதையடுத்து, கிருஷ்ணகிரியில் உள்ள கோட்டாட்சியா் அலுவலகத்தில் கோட்டாட்சியா் ஷாஜகான் தலைமையில், பேச்சுவாா்த்தை நடைபெற்றது. இதில், இருதரப்பினருக்கும் இடையே சமாதானம் ஏற்படாத நிலையில், ஜன. 24-ஆம் தேதி மீண்டும் பேச்சுவாா்த்தை நடைபெறும் என கோட்டாட்சியா் அறிவித்தாா். அதுவரையில் காந்தி நினைவு மண்டபம் உரிமை குறித்து பிரச்னை கூடாது என அவா் அறிவுறுத்தினாா்.
இந்த பேச்சுவாா்த்தையின் போது, கிருஷ்ணகிரி கோட்டாட்சியா் அலுவலகத்தில் நூற்றுக்கும் மேற்பட்ட காங்கிரஸ் கட்சியினா் கூடியதால் பரபரப்பு ஏற்பட்டது.
