கொளுத்தும் வெயில்; அச்சுறுத்தும் Heat Stroke - பாதுகாப்பாக இருப்பது எப்படி? டாக்டர் டிப்ஸ்!

"பொதுவாகவே, டெலிவரி வேலை பார்ப்பவர்கள் வெளியில் சுற்றுவது மிக அதிகம். இப்போது வெயில் வேறு அதிகம்.

கூடவே, இவர்கள் நீண்ட நேரம் வாகனத்தில் பயணம் செய்வதால், உடலின் மையப்பகுதியில் வெப்பநிலை அதிகமாகும். இதனால் வியர்வை அதிகமாகச் சுரக்கும்.

Sodium, Potassium போன்ற தாது உப்புகளும் அதிகமாக வெளியேறும். வெப்ப அயற்சி நிலையையும் உருவாக்கும்.

வெப்ப வாதத்தைப் பொறுத்தவரை அதன் அறிகுறிகள் வெப்ப அயற்சியோடு, பதற்ற நிலை உண்டாக மயக்கம் அடைந்துவிடுவார்கள்.

Heat Stroke ஏற்படுபவர்களை முதலில் நிழலுக்குக் கீழ் கொண்டு வரலாம். சுற்றி கூட்டம் கூடாமல், காற்றோட்டத்துடன் வைத்துக் கொள்ள வேண்டும்.

இதயத் துடிப்பும் சுவாசமும் சரியாக இருக்கிறதா என்பதைக் கவனிக்க வேண்டும். இது இரண்டும் இல்லாத பட்சத்தில் முதலுதவியை ஆரம்பிக்க வேண்டும்.

108 அழைத்து அருகிலிருக்கும் அரசு மருத்துவமனைக்கு அழைத்துச் செல்ல வேண்டும்.

தங்களுடைய உடல் வெப்பத்தை தணிக்கும்படியான நீர்ச்சத்தை அடிக்கடி உட்கொள்ள வேண்டும். எனவே, குளிர்ந்த நீரை அவர்கள் எடுத்துச் செல்ல வேண்டும்.

குறிப்பிட்ட நேர இடைவெளியில் அவர்கள் நீரைப் பருகிக் கொண்டே இருக்க வேண்டும்.

வெறும் நீரோடு மட்டுமல்லாமல் உப்பு கலந்த மோர், ORS போன்றவற்றைப் பருக வேண்டும். நிறைய பேர் நினைத்துக் கொள்கிறார்கள் நீர் மட்டும் பருகினால் போதுமென்று.

நம் வியர்வையோடு வெளியேற்றப்படுவது Sodium, Potassium ஆகிய தாது உப்புகளும் கூட. எனவே உப்பிட்ட மோர் போன்றவற்றைப் பருகுவதால் நீர்ச் சத்தோடு, தாது உப்புகளும் கிடைக்கிறது.

கோடை காலத்தில் வீட்டில் இருக்கும் குழந்தைகளுக்கு Dehydration ஆகாது என நினைக்கிறார்கள். ஆனால் பல்வேறு வகையிலும் நீர்ச்சத்து குறைபாடு உண்டாகிறது.

ஒன்று வெளியே வெயிலில் சுற்றுபவர்களுக்கு நேரடியாக வெப்பம் அவர்களைத் தாக்குகிறது.

மற்றொரு வகையும் உண்டு. வெளியே இருக்கும் அதிகமான வெப்பம் காற்று வழியாகவும் நம்மை பாதிக்கலாம். சீலிங் ஃபேன் மூலம் சூடான காற்று நம் மேல் வீசுகிறது.

பொதுவாக ஏ.சியில் இருந்தால் நீர்ச்சத்து வெளிவராது என நினைத்துக் கொள்கிறோம்.

ஏ.சியில் இருப்பினும் நம் உடல் அன்றாடம் நீர்ச்சத்தை உபயோகித்துக் கொண்டுதான் இருக்கும். ஏ.சியிலேயே 6-7 மணிநேரம் இருந்தாலும் நீரிழப்பு ஏற்படும்.

வியர்வை வராது என்பதால் நீர் குடிக்க வேண்டும் என்கிற எண்ணம் வராது. இவர்களே அதிகமாக நீர்ச்சத்து குறைபாட்டிற்கு ஆளாவார்கள்.

சரியாக இடைவெளிவிட்டு மோர், நீர் போன்றவற்றை அருந்தி கொண்டிருந்தால் உங்களுக்கு நீரிழப்பு ஏற்படாது. இல்லையெனில் நீர் இழப்பு சார்ந்த தலைவலி, Brain fog நிலை போன்றவை வர வாய்ப்புகள் உள்ளதால் இவர்கள் கொஞ்சம் விழிப்புணர்வோடு இருக்க வேண்டும்.

உச்சி வெயில் நேரமான 12-3.30 மணிவரை வெளிப்புற வேலைகளைத் தவிர்த்துவிட்டு, கட்டடத்தின் உட்புற வேலைகளைக் கவனிக்கலாம்.

நேரடியாக வெயிலில் நின்று வேலை செய்வதைத் தவிர்க்கலாம். டீ, காபி போன்றவற்றைப் பருகாமல், நீர்ச்சத்தை அதிகரிக்கும் பானங்களை அருந்தலாம்.

சீலிங் ஃபேன் மேலே எந்தக் கட்டடமும் இல்லாத பட்சத்தில் மொட்டை மாடியில் இருக்கின்ற சூட்டை கீழிறக்கும்.

முடிந்தவரை கோடை காலத்தில் மொட்டை மாடியில் நீரூற்றி குளிர்ச்சி செய்வது போன்றவை குளிராக்க உதவும்.

மேலும் வெளியே உள்ள காற்றை உள் இழுப்பதும், உள்ளே உள்ள காற்றை வெளியேற்றுவதும் ஃபேன் செய்கின்ற வேலை. எனவே இதைத் தவிர்க்க ஜன்னல் சாளரங்களில் ஈரத் துணிகளைக் காய விடலாம்.

இவ்வாறு துணிகளைப் காயப்போடுகையில் குளிரான காற்று வருவதற்கான வாய்ப்புகள் அதிகம். முடிந்தால், டேபிள் ஃபேன் பயன்படுத்துவதும் நல்லது".