டி20 கிரிக்கெட்டில் அதிக விக்கெட்டுகள் வீழ்த்தி ரஷீத்கான் புதிய சாதனை படைத்துள்ளார்.
ஆப்கானிஸ்தான் கிரிக்கெட் அணியின் நட்சத்திர சுழற்பந்து வீச்சாளரான ரஷீத் கான், ஐபிஎல், பிபிஎல், சிபிஎல், பிக்-பாஸ் உள்ளிட்ட அனைத்து டி20 லீக் போட்டிகளிலும் விளையாடி வருகிறார். இவர் தற்போது மேற்கிந்திய தீவுகள் அணியின் ஜாம்பவான் டுவைன் பிராவோவை முந்தி டி20 போட்டிகளில் அதிக விக்கெட் வீழ்த்திய வீரர் என்ற சாதனைக்குச் சொந்தக்காரர் ஆகியிருக்கிறார்.
தென்னப்பிரிக்காவில் நடைபெற்று வரும் எஸ்ஏ20 போட்டியில் பார்ல் ராயல்ஸ் அணிக்கு எதிரான குவாலிஃபையர் போட்டியில் ரஷீத் கான் இந்தச் சாதனையை நிகழ்த்தினார். இந்தப் போட்டியின் போது, ரஷீத் கான் 2 விக்கெட்டுகளை வீழ்த்தினார்.
இதையும் படிக்க |கம்மின்ஸ் காயம்: சாம்பியன்ஸ் டிராபி ஆஸி. அணியின் புதிய கேப்டன் யார்?
இதுவரை 461 டி20 போட்டிகளில் விளையாடியுள்ள ரஷீத் கான் 633* விக்கெட்டுகளை வீழ்த்தியுள்ளார். இதில், நான்கு முறை 5 விக்கெட்டுகளையும் வீழ்த்தியுள்ளார்.
மேற்கிந்திய தீவுகள் மற்றும் பல அணிகளுக்காக விளையாடியுள்ள பிராவோவின் 18 ஆண்டுகால டி20 கிரிக்கெட் வாழ்க்கையில் 631 விக்கெட்டுகளை வீழ்த்தியுள்ளார். மேலும் அவரது டி20 கிரிக்கெட் வாழ்க்கையில் 3 முறை ஐந்து விக்கெட்டுகளையும் வீழ்த்தியுள்ளார்.
இவர்களைத் தொடர்ந்து மேற்கிந்திய தீவுகள் சுழற்பந்து வீச்சாளரும் ஆல்ரவுண்டருமான சுனில் நரைன் (574 விக்கெட்டுகள் 536 போட்டிகளிலும், தென்னாப்பிரிக்க சுழற்பந்து வீச்சாளர் இம்ரான் தாஹிர் 428 போட்டிகளில் 531 விக்கெட்டுகளும், வங்கதேச ஆல்ரவுண்டர் ஷகிப் அல் ஹசன் (444 போட்டிகளில் 492 விக்கெட்டுகளும் வீழ்த்தியுள்ளனர்.
26 வயதான ரஷீத் கான் இதே ஃபார்மில் விளையாடும் பட்சத்தில் டி20 கிரிக்கெட்டில் அதிவேகமாக 1000 விக்கெட்டுகளை வீழ்த்திய முதல் பந்து வீச்சாளர் என்ற புதிய சாதனையும் படைப்பார் என்று எதிர்பார்க்கப்படுகிறது.
இதையும் படிக்க |வருண் சக்கரவர்த்திக்கு எதிராக இங்கிலாந்து சிறப்பாக செயல்படும்: கெவின் பீட்டர்சன்
