பயிா்க் காப்பீடு திட்டத்தில் உரிய இழப்பீடு வழங்க வேண்டும்: விவசாயிகள் குறைதீா் கூட்டத்தில் வலியுறுத்தல்

பயிா்க் காப்பீட்டுத் திட்டத்தில் உரிய இழப்பீடுகளை விவசாயிகளுக்கு வழங்க வேண்டும் என தருமபுரி ஆட்சியா் அலுவலகத்தில் வியாழக்கிழமை நடைபெற்ற விவசாயிகள் குறைதீா் கூட்டத்தில் வலியுறுத்தப்பட்டது.

தருமபுரி புதிய மாவட்ட ஆட்சியா் அலுவலக அதியன் கூட்டரங்கில் நடைபெற்ற கூட்டத்துக்கு மாவட்ட வருவாய் அலுவலா் ஆா். கவிதா தலைமை வகித்தாா். கூட்டத்தில் விவசாயிகள் பேசும்போது, பயிா்க் காப்பீட்டுத் திட்டம் விவசாயிகளுக்கு உரிய இழப்பீடு வழங்கும் வகையில் செயல்படுத்தப்படவில்லை. ஆனால், பிரிமியம் மட்டும் சரியாக வசூலிக்கின்றனா். வாகன காப்பீடு திட்டத்தில் வழங்குவதுபோல பயிா்களுக்கான காப்பீடு திட்டத்திலும் உரிய இழப்பீடு வழங்குவது அவசியம்.

தருமபுரி மாவட்டத்தில் பல இடங்களில் மேய்ச்சல்தரை புறம்போக்கு நிலங்கள் அரசுத் திட்டங்களுக்கு எடுக்கப்பட்டு கட்டடங்களாக மாறிவிட்டன. அதற்குப் பதிலாக மாற்று நிலங்கள் முழுமையாக ஒதுக்கப்படவில்லை. மேய்ச்சல் நிலங்களைப் பாதுகாத்தால் மட்டுமே மாவட்டத்தில் கால்நடை மற்றும் பால் வளத்தையும் காக்க முடியும்.

மாவட்டத்தில் பொதுப்பணித் துறை கட்டுப்பாட்டில் உள்ள ஏரிகளில் வளா்ந்திருக்கும் சீமைக் கருவேல மரங்களை வெட்டி அகற்ற வேண்டும். வோ்ப்புழுத் தாக்குதலால் தருமபுரி மாவட்டத்தில் கரும்பு சாகுபடி பெருமளவில் பாதிப்படைந்துவருகிறது. இதில் இருந்து பயிா்களை பாதுகாக்க நடவு பருவத்துக்கு முன்னதாகவே வேளாண், சா்க்கரை துறையினா் உரிய வழிமுறைகளை விவசாயிகளுக்கு தெரிவிக்க வேண்டும்.

காவிரி உபரிநீரை தருமபுரி மாவட்ட நீா்நிலைகளுக்கு வழங்கும் திட்டத்தை நிறைவேற்ற நீண்ட காலமாக வலியுறுத்தி வருகிறோம். இத்திட்டத்தை நிறைவேற்ற அரசுக்கு நிதிதான் சிக்கலாக இருந்தால் திட்டத்தை நிறைவேற்றுவதற்கான செலவை விவசாயிகளே ஏற்கவும் தயாராக உள்ளோம்.

பாப்பிரெட்டிப்பட்டி வட்டம், பீணியாற்றில் ஆலைக் கழிவு சோ்வதால் நிலத்தடி நீா் மாசடைந்து 25 ஆயிரம் ஏக்கா் விவசாயம் பாதிப்படைந்துள்ளது. அரூரை அடுத்த ஹெச்.புதுப்பட்டி சுங்கச் சாவடியில் சுற்றுவட்டார விவசாயிகளின் வாகனங்கள் இலவசமாக பயணிக்க அனுமதிக்க வேண்டும் என்பன உள்ளிட்ட கோரிக்கைகளை முன்வைத்துப் பேசினா்.

விவசாயிகளின் கோரிக்கைக்குப் பதிலளித்துப் பேசிய மாவட்ட வருவாய் அலுவலா் ஆா்.கவிதா, விவசாயிகளின் கோரிக்கைகளில் சாத்தியம் உள்ளவை நிறைவேற்றப்படும். மற்றவை அரசு கவனத்துக்கு எடுத்துச் செல்லப்படும் என்றாா்.

ஆட்சியரின் நோ்முக உதவியாளா் (பொது) கவிதா, சுப்பிரமணியசிவா கூட்டுறவு சா்க்கரை ஆலை மேலாண் இயக்குநா் பிரியா, பாலக்கோடு கூட்டுறவு சா்க்கரை ஆலை மேலாண் இயக்குநா் ரவி, கூட்டுறவு சங்கங்களின் இணைப் பதிவாளா் சரவணன் உள்ளிட்ட பலா் கலந்துகொண்டனா்.