TVK -ல் C.Vijayabaskar? | Vijay - Rahul சந்திப்பு நடக்காதது ஏன்? | DKS ADMK
வேகமாக மாறிவரும் டிஜிட்டல் உலகிற்கு ஏற்ப, மொபைல் பொழுதுபோக்குத் துறையில் ஒரு புதிய முயற்சியை ஏற்படுத்தியிருக்கிறது 'கதை ஷார்ட்ஸ்' (Kadhai Shorts).
தமிழ்நாட்டின் முதல் ஒரிஜினல் வெர்டிக்கல் மைக்ரோ-டிராமா தளமான இதனை, இதன் நிறுவனர் கரண் தயாநிதி மாறன் இன்று (28.05.2026) சென்னையில் நடைபெற்ற பிரமாண்ட விழாவில் அறிமுகப்படுத்தினார்.
இந்த வெளியீட்டு விழாவில், நாடாளுமன்ற உறுப்பினர் தயாநிதி மாறன், நடிகை ரோகிணி, மற்றும் நடிகர் அஜித்தின் மகள் அனோஷ்கா குமார் உள்ளிட்ட பல நட்சத்திரங்கள், தொழில்நுட்பக் கலைஞர்கள் கலந்துகொண்டு விழாவை சிறப்பித்தனர்.
மொபைல் திரைக்கேற்ற புதிய வடிவத்தில் கதையாடலை வழங்கும் இந்த தனித்துவமான முயற்சிக்குத் தங்களின் வாழ்த்துகளையும் பாராட்டுகளையும் அவர்கள் மனதாரத் தெரிவித்தனர்.
மொபைல் பார்வையாளர்களின் ரசனைக்கேற்ப, 'குட்டி சீரிஸ்' என்ற பெயரில் வெறும் இரண்டு நிமிட சினிமா தரத்திலான எபிசோடுகளைக் கொண்ட கதைகளை இந்த தளம் அறிமுகப்படுத்துகிறது.
உள்ளூர் வட்டார வழக்கு, நமது கலாச்சார இயல்பு, நுட்பமான உணர்வுகள் மற்றும் அன்றாட வாழ்க்கை அனுபவங்களை மையமாகக் கொண்டு இந்த மைக்ரோ டிராமாக்கள் கட்டமைக்கப்பட்டுள்ளன.
பார்வையாளர்கள் வெறும் 20 ரூபாய் மட்டுமே செலுத்தி கதைஷார்ட்ஸ் செயலியில் தங்களுக்குப் பிடித்தமான தொடர்களைக் பார்க்கும் வசதிகளை இது ஏற்படுத்தி தருகிறது.
தொடங்கப்பட்ட முதல் ஆண்டிலேயே 100-க்கும் மேற்பட்ட ஒரிஜினல் வெர்டிக்கல் மைக்ரோ டிராமாக்களை வெளியிடத் திட்டமிட்டிருக்கிறார்கள்.
அடுத்த ஓராண்டிற்குள் தெலுங்கு, மலையாளம், கன்னடம், ஹிந்தி மற்றும் பெங்காலி ஆகிய மொழிகளிலும், அந்தந்த நிலத்தின் தனித்துவமான தன்மையோடு தனது சேவைகளை ஒரிஜினல் படைப்புகளுடன் விரிவாக்கத் திட்டமிட்டுள்ளதாக கரண் தயாநிதி மாறன் பெருமையோடு குறிப்பிட்டார்.
