Jason Sanjay 01: தயாரிப்பாளராகவும் மாறிய விஜய்யின் மகன்; வெளியாகும் அப்டேட்

நடிகரும் தமிழக வெற்றிக் கழகத்தின் தலைவருமான விஜய்யின் மகன் ஜேசன் சஞ்சய் தனது முதல் திரைப்படத்தை இயக்கி வருகிறார். இதில் மாநகரம், ராயன் படங்களில் நடித்த சந்தீப் கிஷன் நாயகனாக நடிக்கிறார்.

சில மாதங்களுக்கு முன்பு தொடங்கிய இந்த படத்தின் படப்பிடிப்பு இறுதிக்கட்டத்தில் உள்ளது. 2026 தொடக்கத்தில் இந்த படம் வெளியாகும் என எதிர்பார்க்கப்படுகிறது.

லைகா நிறுவனத்தின் சுபாஸ்கரன் இந்த படத்தைத் தயாரித்துள்ளார். இதுவரையிலான படத்தின் உருவாக்கம் அவருக்கு திருப்தி அளித்துள்ளதாக தகவல்கள் வெளியாகியிருக்கின்றன.

ஜேசன் சஞ்சய் லைகா நிறுவனத்தில் ஒரு படத்தை இயக்குவதாக 2023ம் ஆண்டே செய்தி வெளியானது. நீண்ட இடைவெளிக்குப் பிறகு கடந்த ஆண்டுதான் சந்தீப் கிஷன் இதில் இணைந்துள்ளது உறுதிபடுத்தப்பட்டுள்ளது. இதற்கிடையில் தனியான தயாரிப்பு நிறுவனத்தையும் பதிவு செய்திருந்தார் ஜேசன் சஞ்சய். 'ஜே.எஸ்.ஜே மீடியா எண்டர்டெயின்மெண்ட்ஸ்' என்ற அந்த நிறுவனம் JSJ 01 படத்தில் பங்குபெற்றிருப்பது குறிப்பிடத்தக்கது.

தற்போது படம் நிறைவடையும் சூழலில் இப்படத்துக்கான எதிர்பார்ப்பு உருவாகியிருக்கிறது.

இந்த சூழலில் தற்போது JSJ 01 எனக் குறிப்பிடப்பட்டு வரும் இந்த படத்தின் பெயர் நாளை வெளியாகும் என்ற அப்டேட்டைக் கொடுத்துள்ளது படக்குழு.