செய்திகள் :

Lamborghini ஓட்ட ஆசைப்பட்ட ஆட்டோ ஓட்டுநர்; சாவியைக் கொடுத்தனுப்பி, ஆட்டோ ஓட்டிய தொழிலதிபர் | Viral

post image

பெங்களூருவில், போக்குவரத்து சிக்னலில் நடந்த ஒரு சாதாரண உரையாடல், மறக்க முடியாத தருணமாக மாறியுள்ளது. தனது லம்போர்கினி காரை ஓட்ட ஆசைப்பட்ட ஆட்டோ ஓட்டுநரிடம், காரின் சாவியைக் கொடுத்துவிட்டு, அந்த ஆட்டோவை தொழிலதிபர் ஒருவர் ஓட்டிச் சென்ற சம்பவம், சமூக வலைதளங்களில் பலரையும் நெகிழச் செய்துள்ளது.

ராகேஷ் கே.என்.வி என்ற அந்த தொழிலதிபர் பகிர்ந்த வீடியோ, இணையத்தில் வைரலாகி, அவரது பெருந்தன்மைக்கும், நம்பிக்கைக்கும் பாராட்டுகளைப் பெற்றுத் தந்துள்ளது.

லம்போர்கினி காரில் ராகேஷ் பெங்களூரு சாலையில் சென்று கொண்டிருந்தபோது, ஓர் ஆட்டோ ஓட்டுநர் அவருக்கு அருகில் வந்துள்ளார்.

ராகேஷை அவரது ஆன்லைன் வீடியோக்கள் மூலம் அடையாளம் கண்டுகொண்ட அந்த ஓட்டுநர், அவரின் நீண்டகால ரசிகர் என்றும், அவரது காரை மிகவும் ரசிப்பதாகவும் உற்சாகத்துடன் கூறியுள்ளார். மேலும், அந்த சொகுசு காரை ஒருமுறையாவது ஓட்டிப் பார்க்க வேண்டும் என்ற தனது விருப்பத்தையும் வெளிப்படுத்தியுள்ளார்.

ஆட்டோ ஓட்டுநரின் ஆசையைக் கேட்ட ராகேஷ், அவரைப் பாராட்டிவிட்டு அங்கிருந்து சென்றிருக்கலாம். ஆனால், அதற்கு பதிலாக அந்த ஓட்டுநரை ஆச்சர்யத்தில் ஆழ்த்தும் ஒரு செயலைச் செய்தார்.

சாலையோரமாக வாகனத்தை நிறுத்தும்படி கூறி, தனது விலை உயர்ந்த லம்போர்கினி காரின் சாவியை அவரிடம் கொடுத்தார். இருவரும் தங்களது வாகனங்களை மாற்றிக்கொண்டனர். ஆட்டோ ஓட்டுநர் மிகுந்த கவனத்துடன் லம்போர்கினியின் ஓட்டுநர் இருக்கையில் அமர, ராகேஷ் புன்னகையுடன் ஆட்டோவில் ஏறி அமர்ந்தார்.

தொடர்ந்து, இருவரும் தத்தமது புதிய வாகனங்களில் அருகருகே பயணிக்கும் காட்சிகள் அந்த வீடியோவில் பதிவாகியுள்ளன. ஆட்டோ ஓட்டுநருக்கு இது வாழ்நாள் கனவு நனவான தருணமாக இருந்தது. அதே சமயம், ராகேஷுக்கு அந்த ஆட்டோ பயணம் தனது கடந்த கால எளிய வாழ்க்கையை நினைவுபடுத்தியது. இந்த வீடியோவைப் பகிர்ந்த ராகேஷ், ஆட்டோவில் பயணித்தது தனது போராட்டக் காலங்களை நினைவுபடுத்தியதாகக் குறிப்பிட்டுள்ளார்.

"இந்த மறக்க முடியாத தருணத்திற்காக எனது லம்போர்கினியை பணயம் வைத்தேன்! அவரது ஆட்டோவை ஓட்டியது என்னை மிகவும் பாதித்தது. ஆட்டோ கட்டணம் கொடுப்பதே கடினமாக இருந்த என் போராட்ட நாள்களுக்கு அது என்னை நேராக அழைத்துச் சென்றது" என்று அந்த வீடியோவில் குறிப்பிட்டிருக்கிறார்.

இந்த நெகிழ்ச்சியான செயல் சமூக ஊடகப் பயனர்களிடையே பெரும் வரவேற்பைப் பெற்றுள்ளது. பலரும் ராகேஷின் செயலைப் பாராட்டி கருத்துக்களைப் பதிவிட்டு வருகின்றனர்.

பிரபு தேவாவுக்கே சவால் விடுவாங்க போல; 'Mukkabula' பாடலுக்கு நடனமாடி இன்ஸ்டாவை அதிரவைத்த ஆசிரியை!

நடனப் புயல் பிரபு தேவாவின் நடன அசைவுகளுக்குப் பெயர் பெற்ற ஒரு பாடலுக்கு ஆடி, பார்வையாளர்களைக் கவர்வது எளிதான காரியமல்ல. ஆனால், ஒடிசாவைச் சேர்ந்த மோதி பெஹரா என்ற பெண்மணி அதைச் செய்துகாட்டி இணையத்தில் ப... மேலும் பார்க்க

'ஆடைகளைக் கிழித்து, போலீஸாரை அழைப்பேன்' - வீட்டில் புகுந்து திருடி சிக்கிக்கொண்ட பெண் மிரட்டல்

ஜெய்ப்பூரில் உள்ள மொஹானா பகுதியில் ஒரு வீட்டின் படுக்கையறைக்குள் புகுந்து நகைகளைத் திருடிய பெண் ஒருவர், அங்கிருந்த சிசிடிவி கேமராவில் சிக்கினார். வீட்டின் உரிமையாளர் கதவை வெளிப்பக்கமாகப் பூட்டியதால் ம... மேலும் பார்க்க

'அடேய் பசங்களா.. விளையாடுற இடமா அது!'- ரூ.5.04 கோடி காரில் கீறல்: பெற்றோரை கோர்ட்டுக்கு இழுத்த நபர்

விளையாட்டு பொருளாக மாறிய பெராரி கார்!சீனாவின் தென்மேற்குப் பகுதியில் உள்ள யுன்னான் மாகாணத்தின் 'குன்மிங்' (Kunming) நகரில் இந்த அதிர்ச்சிச் சம்பவம் நடந்துள்ளது. அங்குள்ள நபர் ஒருவருக்குச் சொந்தமான சிக... மேலும் பார்க்க

மொபைல் போனில் பேசியபடி சென்ற கூலித்தொழிலாளி; மூடி திறந்திருந்த சாக்கடை குழியில் விழுந்து இறந்த சோகம்

மும்பையில் கடந்த சில நாள்களாக கனமழை பெய்து வருகிறது. இம்மழையால் இரண்டு நாள்களுக்கு முன்பு செம்பூரில் மரம் விழுந்து 11 வயது பள்ளி மாணவன் உயிரிழந்தான். தற்போது சாக்கிநாகாவில் மழையின்போது அஸ்லாம் இசாக் ஷ... மேலும் பார்க்க

4 ஆண்டுகளாக தபாலை பதுக்கிய தபால்காரர்; வீட்டில் 6 மூட்டைகளில் சிக்கிய அஞ்சல் - திருப்பூர் அதிர்ச்சி!

திருப்பூர் மாவட்டம், வெள்ளக்கோவில் உப்புப்பாளையம் சுற்றுவட்டாரப் பகுதிகளில் கடந்த சில ஆண்டுகளாக இந்திய அஞ்சல் துறையின் தபால் சேவைகள் முறையாக கிடைப்பதில்லை என உள்ளூர் மக்கள் தபால் அலுவலகத்தில் தொடர்ந்த... மேலும் பார்க்க

ஐ.டி ஊழியர்களின் குழந்தைகளுக்கான டே கேர் - வாஷிங்மெஷின் தொட்டியில் வைத்து கதவை அடைத்த பெண் ஊழியர்கள்

பெங்களூரு குண்டலஹள்ளி கேட் பகுதியில் உள்ள கேப்ஜெமினி டெக்னாலஜிக்கல் இந்தியா என்ற ஐ.டி கம்பெனியில் அங்கு பணியாற்றும் பெண்களின் குழந்தைகளை பகல் நேரத்தில் கவனிப்பதற்காக, `சொசைட்டி ஜெனரல் பேபி கேர்' என்ற ... மேலும் பார்க்க