"அவரை நான் மீட் பண்ணினப்போ!" - 'முதல்வன் Meets முதல்வர்' தருணம் பற்றி அர்ஜூன்!

அறிமுக இயக்குநர் சுபாஷ் கே ராஜ் இயக்கத்தில் அர்ஜுன், அபிராமி, ப்ரீத்தி முகுந்தன் ஆகியோர் நடித்திருக்கும் 'ப்ளாஸ்ட்' திரைப்படம் நாளை திரையரங்குகளில் வெளியாகிறது.

சமீபத்தில் நடிகர் அர்ஜுன் முதல்வர் விஜய்யை நேரில் சென்று சந்தித்து வாழ்த்துகளைத் தெரிவித்திருந்தார்.

அர்ஜுனின் 'முதல்வன்' படத்தின் சில காட்சிகளை, நடப்பு அரசியல் நிகழ்வுகளுடன் ஒப்பிட்டுச் சமூக வலைதளப் பக்கங்களில் பலர் பதிவிட்டு வருகிறார்கள்.

'ப்ளாஸ்ட்' திரைப்படத்திற்காக விகடனுக்கு அளித்த பேட்டியில், முதல்வர் விஜய் உடனான சந்திப்பு பற்றிப் அர்ஜூன் பகிர்ந்திருக்கிறார்.

அர்ஜுன் பேசுகையில், "'முதல்வன்' படத்தின் கதை ரஜினி சார், விஜய்-க்குச் சொன்ன பிறகுதான் எனக்குச் சொல்லப்பட்டது. ஒருவேளை நான் அந்தப் படத்துல நடிக்கலைனா நிச்சயமாக மிஸ் பண்ணியிருப்பேன்.

ஏன்னா, அது அவ்வளவு அருமையான திரைப்படம். அவ்வளவு சுலபமாகவும் அந்த கேரக்டர்ஸ் நமக்குக் கிடைச்சிடாது. 'முதல்வன்' திரைப்படத்தை சமகால அரசியலோடு பொருத்திப் பதிவிடுகிற சமூக வலைதளப் பதிவுகளைப் பார்க்கும்போது ரொம்ப நல்லா இருக்கு. அவரை நான் சமீபத்துல மீட் பண்ணியிருந்தேன்.

அவரை நான் மீட் பண்ணின அப்போ, 'ரொம்ப பெருமையாக இருக்கு. நம்ம திரைத்துறையிலிருந்து இன்னொரு முதல்வர்.

இதுவொரு சாதனை. கட்சி தொடங்கிச் சந்தித்த முதல் தேர்தலிலேயே இப்படியான ஒரு வெற்றி உங்களுக்குக் கிடைச்சிருக்கு'னு என்னுடைய வாழ்த்துகளைச் சொன்னேன்.

கடவுள் அவருக்குப் பெரிய வலிமையைக் கொடுக்கணும். அவர் முன்னால நிறைய பொறுப்புகள் இருக்கு" எனக் கூறினார்.