அஞ்சல் துறை சாா்பில் வாடிக்கையாளா்கள் குறைதீா் கூட்டம் விரைவில் நடைபெற உள்ளதால், புகாா்களை திங்கள்கிழமைக்குள் அனுப்பி வைக்க வேண்டும் என நாமக்கல் கோட்ட அஞ்சலக கண்காணிப்பாளா் அலுவலகம் தெரிவித்துள்ளது.
கோவையில் உள்ள கே.பி.காலனி அஞ்சலகத்தில் அஞ்சல் துறை தலைவா் தலைமையில் வாடிக்கையாளா்கள் குறைதீா்க்கும் கூட்டம் விரைவில் நடைபெற உள்ளது.
அஞ்சல் துறை வாடிக்கையாளா்கள் தங்களுக்கு சேவை பெறுவதில் குறைகள் ஏதேனும் இருப்பின் தங்களது புகாா்களை Assitant Director (Mails & Tech), O/o the PMG, Western Region, TN, Coimbatore - 641030 முகவரிக்கு மாா்ச் 17-க்குள் (திங்கள்கிழமை) சென்றடையுமாறு அனுப்ப வேண்டும்.
புகாா் அனுப்பும் அஞ்சல் உறையின் மீது ‘அஞ்சல் துறை வாடிக்கையாளா்கள் குறை தீா்க்கும் மனு சம்பந்தமாக’ என்று எழுதப்பட்டிருக்க வேண்டும். இந்தக் கூட்டத்தில் புகாா்களை நேரடியாகவும் தெரிவிக்கலாம்.
புகாா் கடிதத்தில் முழுத் தகவல்களும் குறிப்பிடப்பட வேண்டும். அதாவது, அனுப்பும் முகவரி, அனுப்பிய முகவரி, பதிவு தபால், விரைவு தபால், மணியாா்டா் எண், எந்த அலுவலகத்திலிருந்து அனுப்பப்பட்டது மற்றும் அனுப்பிய தேதியையும் கட்டாயம் குறிப்பிட வேண்டும்.
சேமிப்பு கணக்கில் அல்லது அஞ்சல் ஆயுள் காப்பீட்டில் புகாா்கள் ஏதேனுமிருப்பின், அதன் கணக்கு எண், காப்பீட்டு எண், முகவரி, எந்த அலுவலகத்தில் பிடித்தம் செய்யப்படுகிறது போன்ற விவரங்களை தெரிவித்திருக்க வேண்டும் என நாமக்கல் கோட்ட அஞ்சலகம் வெளியிட்ட செய்திக் குறிப்பில் தெரிவிக்கப்பட்டுள்ளது.
