பிரதமர் மோடிக்கு - 75.. டாலருக்கு - 86: காங்கிரஸ் விமர்சனம்!
ஈரோடு கிழக்கு சட்டப்பேரவை தொகுதிக்கான இடைத்தோ்தல் பிப்ரவரி 5- ஆம் தேதி நடைபெற உள்ள நிலையில் வேட்புமனு தாக்கல் வெள்ளிக்கிழமை தொடங்கியது. முதல் நாளில் சுயேச்சையாக போட்டியிட 3 போ் வேட்புமனு தாக்கல் செய்தனா்.
ஈரோடு கிழக்கு சட்டப்பேரவை தொகுதி உறுப்பினா் ஈவிகேஎஸ்.இளங்கோவன் கடந்த டிசம்பா் 14- ஆம் தேதி உடல்நலக் குறைவால் காலமானாா். இதையடுத்து இந்தத் தொகுதிக்கு இடைத்தோ்தல் பிப்ரவரி 5- ஆம் தேதி நடைபெறும் என தோ்தல் ஆணையம் அறிவித்தது. இடைத்தோ்தலில் போட்டியிடுபவா்களின் வேட்புமனுக்கள் ஈரோடு மாநகராட்சி அலுவலகத்தில் வெள்ளிக்கிழமை காலை முதல் 17- ஆம் தேதி வரை பெறப்பட உள்ளது. 18- ஆம் தேதி வேட்புமனுக்கள் பரீசிலனை செய்யப்படும். தொடா்ந்து வேட்புமனுக்களை திரும்பப் பெற்றுக்கொள்ள 20 -ஆம் தேதி இறுதி நாளாகும். பொங்கல் பண்டிகை அரசு விடுமுறை நீங்கலாக வெள்ளிக்கிழமை மற்றும் வரும் 13, 17 ஆகிய 3 நாள்கள் மட்டுமே வேட்புமனு தாக்கல் செய்ய முடியும்.
3 ஆவது முறையாக வாக்களிக்கும் மக்கள்:
ஈரோடு கிழக்கு தொகுதி சட்டப்பேரவை உறுப்பினரை தோ்வு செய்ய 3- ஆவது முறையாக மக்கள் தோ்தலில் வாக்களிக்க உள்ளனா். ஏற்கெனவே கடந்த 2021 தோ்தலில் வென்ற திருமகன் ஈவெரா மறைவுக்கு பிறகு 2023- ஆம் ஆண்டு நடந்த இடைத்தோ்தலிலும் வாக்களித்திருந்தனா். தற்போது பிப்ரவரி 5- ஆம் தேதி நடைபெறும் இடைத்தோ்தலிலும் வாக்களிக்க உள்ளனா்.
2021 சட்டப்பேரவைத் தோ்தலில் திமுக கூட்டணியில் ஈரோடு கிழக்கு தொகுதி காங்கிரஸ் கட்சிக்கு ஒதுக்கப்பட்டது. அப்போது களம்கண்ட ஈவிகேஎஸ்.இளங்கோவன் மகன் திருமகன் ஈவெரா 67 ஆயிரத்துக்கும் அதிகமான வாக்குகள் பெற்று வெற்றி பெற்றாா். அதிமுக கூட்டணியில் தமாகா சாா்பில் போட்டியிட்ட யுவராஜா 58 ஆயிரம் வாக்குகள் பெற்று இரண்டாமிடம் பிடித்தாா்.
திருமகன் ஈவெரா மறைந்த நிலையில் 2023- இல் நடைபெற்ற இடைத்தோ்தலில், அவரது தந்தை ஈவிகேஎஸ்.இளங்கோவன் காங்கிரஸ் சாா்பில் களம் இறங்கினாா். அதிமுக சாா்பில் முன்னாள் எம்எல்ஏ கே.எஸ்.தென்னரசு போட்டியிட்ட நிலையில், ஈவிகேஎஸ்.இளங்கோவன் ஒரு லட்சத்து 10 ஆயிரத்து 156 வாக்குகள் பெற்று 66,233 வாக்குகள் வித்தியாசத்தில் வெற்றி பெற்றாா். இரண்டாம் இடம் பிடித்த கே.எஸ்.தென்னரசு 43,923 வாக்குகள் பெற்றாா்.
3 சுயேச்சை வேட்பாளா்கள் மனு தாக்கல்:
இடைத்தோ்தலுக்கான வேட்புமனு தாக்கல் வெள்ளிக்கிழமை தொடங்கிய நிலையில் ஈரோடு மாநகராட்சி அலுவலகத்தில் மாநகராட்சி ஆணையரும், ஈரோடு கிழக்கு தொகுதி தோ்தல் நடத்தும் அலுவலருமான என்.மணீஷ் வேட்புமனுக்களை பெற்றுக்கொண்டாா். முதல் நாளில் 3 போ் சுயேச்சையாக போட்டியிட வேட்புமனு தாக்கல் செய்தனா்.
தோ்தலில் தொடா்ந்து போட்டியிட்டு வரும் பத்மராஜன் (64) சுயேச்சை வேட்பாளராக தனது வேட்புமனுவை தாக்கல் செய்தாா். சேலம் மாவட்டம், மேட்டூரைச் சோ்ந்த இவா் பஞ்சா் கடை வைத்துள்ளாா்.
இதேபோல, கோவை, சுந்தராபுரத்தைச் சோ்ந்த நூா்முகமது (67) சுயேச்சை வேட்பாளராக வேட்புமனு தாக்கல் செய்தாா்.
கோவையில் காா்கள் வாங்கி விற்கும் தொழில் செய்து வரும் இவா், தோ்தலில் அனைவரும் 100 சதவீதம் வாக்களிக்க வேண்டும் என வலியுறுத்தி விழிப்புணா்வு ஏற்படுத்தும் நோக்கில் தோ்தல்களில் போட்டியிட்டு வருவதாக கூறினாா்.
இதேபோல கரூா் ஆத்தூா் பிரிவைச் சோ்ந்த ஓய்வுபெற்ற ராணுவ வீரா் மதுரை விநாயகம் (51) சுயேச்சையாக வேட்புமனு தாக்கல் செய்தாா். கடந்த 2016- இல் ராணுவத்திலிருந்து ஓய்வு பெற்றாா். நாட்டின் எல்லையில் மக்களுக்காக பாதுகாப்பில் பணியாற்றிய நான் இன்று தொகுதி மக்களுக்கு பணியாற்றுவதற்காக இந்த தோ்தலில் வேட்புமனு தாக்கல் செய்கிறேன் என்றாா்.
