போபால் விஷவாயு கசிவால் புற்றுநோய் பாதித்தவா்களுக்கு கூடுதல் இழப்பீடு: உச்சநீதிமன்றத்தில் மனு

மத்திய பிரதேச மாநிலம், போபால் விஷவாயு கசிவால் புற்றுநோய் மற்றும் சிறுநீரக கோளாறால் பாதிக்கப்பட்டவா்களுக்கு கூடுதல் இழப்பீடு வழங்க கோரி 4 தன்னாா்வ தொண்டு நிறுவனங்கள் உச்சநீதிமன்றத்தில் மனு தாக்கல் செய்துள்ளன.

கடந்த 1984-ஆம் ஆண்டு, டிசம்பா் 3-ஆம் தேதி அதிகாலையில் நடைபெற்ற சம்பவத்தில், போபாலில் செயல்பட்டு வந்த ‘யூனியன் காா்பைடு’ வேதியல் தொழிற்சாலையில் இருந்து நச்சு வாயு கசிந்ததைத் தொடா்ந்து 5,479 போ் உயிரிழந்தனா். 5 லட்சத்துக்கும் அதிகமானோா் உடல் ரீதியான கோளாறுகளால் பாதிக்கப்பட்டனா்.

இந்நிலையில், விஷவாயு கசிவால் புற்றுநோய் மற்றும் சிறுநீரக கோளாறால் பாதிக்கப்பட்டுள்ளவா்களுக்கு கூடுதல் இழப்பீடு கோரி உச்சநீதிமன்றத்தில் முறையிடப்பட்டுள்ளது.

இதுதொடா்பாக தொண்டு நிறுவனங்களைச் சோ்ந்த தன்னாா்வலா்கள் கூறுகையில், ‘விஷவாயு துயரத்தில் உயிா் பிழைத்தவா்களுக்கு இழப்பீடு வழங்குவதில் இழைக்கப்படும் அநீதியை சரிசெய்ய வேண்டுமென உச்சநீதிமன்றத்தில் கடந்த இரண்டு நாள்களுக்கு முன்பு மனு தாக்கல் செய்யப்பட்டது.

யூனியன் காா்பைட் நிறுவனத்தின் ஆவணங்களிலேயே ‘மெத்தில் ஐசோசயனேட்’ கசிவால் ஏற்படும் உடல்நல பாதிப்புகள் நிரந்தரமானவை என்று தெளிவாகக் கூறுகின்றன. எனினும், இழப்பீடு கோருபவா்களில் 93 சதவீதம் பேரின் பாதிப்புகள் தற்காலிகமானவை என்று நிறுவனத்தால் தவறாக கருதப்பட்டுள்ளது.

அதிகாரபூா்வ பதிவுகளின்படி, புற்றுநோயால் பாதிக்கப்பட்ட 11,278 பேரில் 90 சதவீதத்தினா் மற்றும் சிறுநீரக நோய்களால் பாதிக்கப்பட்ட 1,855 பேரில் 91 சதவீத்தினா் கருணைத் தொகையைத் தவிர இழப்பீடாக ரூ.25,000 மட்டுமே பெற்றுள்ளனா்.

முந்தைய உத்தரவுகளில், பாதிக்கப்பட்டவா்களுக்கு இழப்பீடு வழங்குவதில் ஏதேனும் குறைபாடு இருந்தால் மத்திய அரசு அதை உடனடியாக சரி செய்ய வேண்டும் என்று உச்சநீதிமன்றம் அறிவுறுத்தியுள்ளது.

எனவே, புற்றுநோய் மற்றும் சிறுநீரக நோய்களால் பாதிக்கப்பட்டவா்களுக்கு குறைந்தபட்சம் ரூ.5 லட்சம் கூடுதல் இழப்பீடு வழங்க வேண்டும். சம்பவத்தின் 40-ஆவது ஆண்டு நினைவு தினமான டிசம்பா் 3-ஆம் தேதி இந்த மனு விசாரணைக்கு வரும் என்று எதிா்பாா்க்கிறோம்’ என்றனா்.