BB Tamil 9: "நான்தான் அந்த ஐடியாவைக் கொடுத்தேன்; ஆனா" - அமித்தைச் சாடிய FJ

பிக் பாஸ் சீசன் 9 நிகழ்ச்சி 4 வாரங்களைக் கடந்திருக்கிறது. மொத்தம் 20 பேர் பங்கேற்றிருந்த இந்தப் போட்டியில் 5 பேர் வெளியேறிய நிலையில் கடந்த வாரம் புதிதாக பிரஜின், சாண்ட்ரா, அமித் பார்கவ், திவ்யா கணேஷ் என நான்கு பேர் வைல்டு கார்டு மூலம் உள்ளே சென்றிருந்தனர்.

பிக் பாஸ் வீட்டில் இந்த வாரம் போட்டியாளர்களுக்கு 'ஆஹா ஓஹோ ஹோட்டல்' என்ற டாஸ்க் கொடுக்கப்பட்டது. அந்த ஹோட்டல் டாஸ்க்கில் கெஸ்ட் ஆக பழைய பிக் பாஸ் போட்டியாளர்களான தீபக், பிரியங்கா, மஞ்சரி உள்ளே வந்திருந்தனர்.

வழக்கம்போல இந்த டாஸ்க்கிலும் போட்டியாளர்களுக்குள் கலவரம் வெடித்தது.

இந்த வாரம் டபுள் எவிக்ஷன் இருக்கும் என்று எதிர்பார்க்கப்படுகிறது.

இந்நிலையில் இன்று (நவ.9) வெளியாகி இருக்கும் முதல் புரொமோவில், இந்த வார எபிசோடிற்காக என்ட்ரி கொடுத்திருக்கும் விஜய் சேதுபதி, 'இந்த வேலை எல்லாம் நான் செஞ்சேன். ஆனா க்ரெடிட்ஸ் அவங்க எடுத்துகிட்டாங்கனு யாரை சொல்லுவீங்க' எனக் கேட்கிறார்.

அதற்கு FJ, "கார்னிவெல் என்ற ஐடியா நல்லா இருக்குனு கெஸ்ட் சொன்னாங்க. நான்தான் அந்த ஐடியாவை கொடுத்தேன். ஆனா அமித் பார்கவ் அதற்கான கிரெடிட்ஸ் எடுத்துக்கிட்டாங்க" என்று சொல்கிறார்.

அதேபோல அரோராவும் அமித் மீது குற்றம் சாட்டுகிறார். இதனைத் தொடர்ந்து விஜய் சேதுபதி கெஸ்ட்டாக வந்த தீபக்கை அழைத்து விசாரிக்கிறார்.