Rukmini Vasanth: "அந்த அழைப்​பும் செய்​திகளும் போலி​யானவை"- ருக்மிணி வசந்த் எச்சரிக்கை

தமிழில், விஜய் சேதுப​தி​யின் ‘ஏஸ்’ படம் மூலம் அறி​முக​மானவர் கன்னட நடிகை ருக்மிணி வசந்த். அதைத் தொடர்ந்​து, ஏ.ஆர். முரு​க​தாஸ் இயக்​கிய ‘மத​ராஸி’ என தமிழில் நடித்தார். சமீபத்தில் வெளியான `காந்தாரா சாப்டர் 1' படத்​தில் நடித்து அனைவரது கவனத்தையும் ஈர்த்திருந்தார்.

இதனைத்தொடர்ந்து பிர​சாந்த் நீல் இயக்​கத்​தில் ஜூனியர் என்​.டி.ஆர் ஹீரோ​வாக நடிக்​கும் பான் இந்​தியா படத்​தில் நடித்து வரு​கிறார்.

இந்​நிலை​யில் அவர் தனது எக்ஸ் தளப் பக்​கத்​தில், செல்​போன் எண் ஒன்றைக் குறிப்​பிட்டு பதிவிட்டிருக்கிறார்.

அதில், “அந்த செல்​போன் எண்​ணைப் பயன்​படுத்​தும் ஒரு​வர், என்​னைப்போல ஆள்​மாறாட்​டம் செய்து பல்​வேறு நபர்​களைத் தொடர்பு கொள்​வது எனது கவனத்​துக்கு வந்​துள்​ளது. அது என்​னுடைய எண் இல்​லை.

அதிலிருந்து வரும் அழைப்​பும் செய்​தி​களும் போலி​யானவை. தயவுசெய்து அதற்கு பதிலளிக்​கவோ அவரைத் தொடர்புகொள்​ளவோ வேண்​டாம்.

இந்த ஆள்​மாறாட்​டம் சைபர் குற்​றத்​தின் கீழ் வரு​கிறது. எந்த விஷ​யத்​துக்​கும் நேரடி​யாக என்னை அல்​லது எனது டீமைத் தொடர்பு கொள்​ளலாம்” என தெரிவித்திருக்கிறார்.