வருமான வரிக் கணக்குத் தாக்கலை ஜூலை ஸ்ட்ராட்டிங்ல பண்ணீடாதீங்க; எப்போ பண்ணனும்? | பணம் வளர்ப்போம்

'சரி... வருமான வரிக் கணக்குத் தாக்கலை எல்லாம் சரியாகச் செய்துவிடுகிறோம்... ஆனால், எப்போது செய்வது நல்லது' என்று கேட்கிறீர்களா? அதற்கான பதிலைத் தருகிறார் ஆடிட்டர் கிரி பாபு.

"ஒவ்வோர் ஆண்டும் வருமான வரிக் கணக்குத் தாக்கல் செய்ய கடைசி தேதி ஜூலை 31. உங்கள் நிறுவனம் உங்களுக்கு ஃபார்ம் 130-ஐ ஜூன் மாதத்தின் பாதியில் கொடுத்துவிடும்.

ஆனால், ஃபார்ம் 168 (முன்னால் 26AS, AIS)வர தாமதமாகும்.

அதனால், வருமான வரிக் கணக்குத் தாக்கலை சீக்கிரம் செய்யக் கூடாது.

ஃபார்ம் 168 (முன்னால் 26AS, AIS) வருவதற்கு முன், தாக்கல் செய்தால், ஏதேனும் ஒரு தகவலை மிஸ் செய்யக்கூடும். இந்தச் சின்ன தவறினால், நம் வீட்டிற்கு வருமான வரி நோட்டீஸ் தேடி வரலாம்.

அதனால், அதைத் தவிர்ப்பது மிக மிக முக்கியம்.

'சீக்கிரம் தானே செய்யக் கூடாது... லேட்டா செய்யலாம்ல' என்கிற கேள்வி இருக்கிறதா? கடைசி நேரத்தில் வருமான வரிக் கணக்குத் தாக்கல் செய்தால், வெப்சைட் டவுன் போன்ற பிரச்னைகளைச் சந்திக்க நேரிடும்.

சில நேரங்களில், இதனால், வருமான வரிக் கணக்குத் தாக்கலை செய்யாமல்கூட போய்விட நேரிடும். இதனால், ஜூலை 11 - 25-க்குள் வருமான வரிக் கணக்குத் தாக்கல் செய்துவிடுவது நல்லது".