ஸ்வியாடெக், கீஸ் அதிா்ச்சித் தோல்வி

இத்தாலியன் ஓபன் டென்னிஸ் போட்டியில் முன்னணி வீராங்கனைகளான போலந்தின் இகா ஸ்வியாடெக், அமெரிக்காவின் மேடிசன் கீஸ் ஆகியோா் சனிக்கிழமை அதிா்ச்சித் தோல்வி கண்டனா்.

மகளிா் ஒற்றையா் பிரிவு 3-ஆவது சுற்றில், போட்டித்தரவரிசையில் 2-ஆம் இடத்திலிருந்த ஸ்வியாடெக் 1-6, 5-7 என்ற நோ் செட்களில் மிக எளிதாக, 29-ஆம் இடத்திலிருக்கும் அமெரிக்காவின் டேனியல் காலின்ஸால் தோற்கடிக்கப்பட்டாா்.

அதேபோல், 5-ஆம் இடத்திலிருந்த மேடிசன் கீஸ் 6-2, 2-6, 6-7 (3/7) என்ற செட்களில் சக அமெரிக்கரான பெய்டன் ஸ்டொ்ன்ஸால் வீழ்த்தப்பட்டாா். 6-ஆம் இடத்திலிருக்கும் இத்தாலியின் ஜாஸ்மின் பாலினி 6-4, 6-3 என, 27-ஆம் இடத்திலிருந்த துனிசியாவின் ஆன்ஸ் ஜபியுரை வெளியேற்றினாா்.

13-ஆம் இடத்திலிருக்கும் ரஷியாவின் டயானா ஷ்னெய்டா் 6-3, 6-3 என்ற நோ் செட்களில் ருமேனியாவின் ஜாக்குலின் கிறிஸ்டியனை சாய்த்தாா்.

இதனிடையே 2-ஆவது சுற்றில், போட்டித் தரவரிசையில் 4-ஆம் இடத்திலிருக்கும் அமெரிக்காவின் கோகோ கௌஃப் 3-6, 6-2, 6-1 என்ற வகையில் கனடாவின் விக்டோரியா போகோவை வீழ்த்தினாா். 11-ஆம் இடத்திலிருக்கும் கஜகஸ்தானின் எலனா ரைபகினா 7-6 (7/3), 6-2 என்ற செட்களில் ஜொ்மனியின் எவா லைஸை வென்றாா்.

10-ஆம் இடத்திலிருக்கும் அமெரிக்காவின் எம்மா நவாரோ 6-1, 6-3 என ரஷியாவின் கமிலா ராகிமோவாவை சாய்த்தாா். இளம் வீராங்கனைகளான பிரிட்டனின் எம்மா ரடுகானு 6-2, 6-2 என சுவிட்ஸா்லாந்தின் ஜில் டெய்க்மானையும், கனடாவின் லெய்லா ஃபொ்னாண்டஸ் 6-4, 6-0 என குரோஷியாவின் அன்டோனியா ருசிச்சையும் வெளியேற்றினா்.

ரூட் ஏற்றம்; ஃப்ரிட்ஸ் ஏமாற்றம்

ஆடவா் ஒற்றையா் பிரிவு 2-ஆவது சுற்றில், போட்டித்தரவரிசையில் 6-ஆம் இடத்திலிருக்கும் நாா்வேயின் கேஸ்பா் ரூட் 6-4, 4-6, 6-3 என்ற செட்களில் கஜகஸ்தானின் அலெக்ஸாண்டா் பப்ளிக்கை வென்றாா். எனினும், 4-ஆம் இடத்திலிருந்த அமெரிக்காவின் டெய்லா் ஃப்ரிட்ஸ் 6-7 (4/7), 6-7 (3/7) என்ற செட்களில் சக அமெரிக்கரான மாா்கோஸ் கிரோனிடம் தோல்வி கண்டாா்.

11-ஆம் இடத்திலிருக்கும் அமெரிக்காவின் டாமி பால் 6-1, 6-4 என ஸ்பெயினின் ராபா்டோ பௌதிஸ்டா அகுட்டை வெளியேற்ற, 15-ஆம் இடத்திலிருந்த அமெரிக்க வீரா் ஃபிரான்சஸ் டியாஃபோ 2-6, 7-6 (7/2), 3-6 என்ற செட்களில் ஆஸ்திரியாவின் செபாஸ்டியன் ஆஃப்னரிடம் தோற்றாா்.

இதர ஆட்டங்களில் செக் குடியரசின் ஜேக்கப் மென்சிக், போலந்தின் ஹியூபா்ட் ஹா்காக்ஸ், அமெரிக்காவின் செபாஸ்டியன் கோா்டா, இத்தாலியின் மேட்டியோ பெரெட்டினி ஆகியோரும் வெற்றி பெற்று 3-ஆவது சுற்றுக்கு முன்னேறினா்.