DD: `எனக்கும், என் குடும்பத்துக்கும் கிங் இவர்தான்' - திவ்யதர்ஷினி நெகிழ்ச்சி

சிறந்த சின்னத்திரைக் கலைஞர்களைக் கெளரவிக்கும் 2024-ம் ஆண்டுக்கான விகடன் சின்னத்திரை விருதுகள் விழா கடந்த அக்டோபர் 12ம் தேதி சென்னையில் நடைபெற்றது.

இதில் 2024-ம் ஆண்டின் `சிறந்த தொகுப்பாளர் விருது’ மா.கா.பா ஆனந்த்துக்கு வழங்கப்பட்டது. விருதை, தொகுப்பாளர் திவ்யதர்ஷினி (DD) வழங்க, மா.கா.பா ஆனந்த் பெற்றுக்கொண்டார்.

இந்நிகழ்ச்சியில் ரெட் கார்ப்பெட்டில் என்ட்ரி கொடுத்த திவ்யதர்ஷினியிடம் (DD) 'ACE, Queen, King, Jack' என கார்டுகளை வைத்து சில கேள்விகள் கேட்கப்பட்டது. அதற்கு திவ்யதர்ஷினி அளித்த சுவாரஸ்ய பதில்கள் இவை.

உங்கள் வாழ்க்கையின் 'ACE' முக்கியமான நபர் யார்?

"என் வாழ்க்கையின் 'ACE' முக்கியமான நபர் என் அக்கோவோட பையன் ரிஷி வம்சிதான்"

உங்க வாழ்க்கையின் 'Queen' யார்?

"என்னோட ஆசிரியர்கள்தான் என்னோட 'Queen'. டாஸன், Mrs. பிரபாகர் இப்படி என் வாழ்க்கையின் ஒவ்வொரு கட்டத்திலும் ஒவ்வொரு ஆசிரியர்கள் எனக்கு நிறைய உதவி இருக்கிறார்கள். அவர்கள் எல்லாரும் எனக்கு குயின்ஸ்தான்"

உங்க வாழ்க்கையில அட்வைஸ் பண்ணும் 'Jack' யார்?

"நான் கொஞ்சம் எப்பவும் சரியாக இருக்கனும்னு நினைக்கிற ஆள். அதனால் எனக்கு பெரும்பாலும் யாரும் அட்வைஸ் பண்ணமாட்டாங்க. அது ஏன்னு எனக்குத் தெரியல. யாராவது அட்வைஸ் பண்ணா நல்ல இருக்கும்னு நிறையமுறை யோசிச்சிருக்கிறேன். ரொம்ப நேரம் தனியாவே உட்கார்ந்து யோசிப்பேன், எனக்கு நானே பேசிக்குவேன். பெரும்பாலும் எனக்கு நானே அட்வைஸ் சொல்லிக்குவேன்"

உங்க வாழ்க்கையின் 'KING' யார்?

"எனக்கும், என்னோட குடும்பத்துக்கும் கிங் என்னோட சகோதரரர் சுதர்ஷன்தான். அவர் பைலட்டாக இருக்கார். அவர் கிளாஸ் எடுத்தால் பல நாடுகளில் இருந்து வருவாங்க. அவர்தான் எங்களோட கிங்" என்று பெருமையோடு சொன்னார் டிடி.

திவ்யதர்ஷினி (DD), பிரியதர்ஷினி (PD) இருவரும் 'Tele Vikatan'னுக்கு அளித்த ஜாலியான நேர்காணலை காண இந்த லிங்கை க்ளிக் செய்யவும்