'மீண்டுமா?' 2 நாள்களில் ரூ.7,500 ஏறிய தங்கம் விலை; இப்போதே வாய்ப்பைப் பயன்படுத்திக் கொள்வதா? | Gold

கடந்த ஆண்டில் இருந்து 'கிடுகிடு'வென ஏறி வந்த தங்கம் விலை, கடந்த 29-ம் தேதி வரை ரூ.1.34 லட்சம் வரை சென்றது.

இது சென்னையின் தங்கம் விலை நிலவரம்.

அதன் பிறகு, 'விறுவிறு'வென இறங்கியது. 'ஒளி தெரிகிறது' என்று மக்கள் கொஞ்சம் சந்தோஷப்பட்டுக் கொண்டிருந்த வேளையில், தங்கம் விலை மீண்டு.....ம் உயரத் தொடங்கியிருக்கிறது.

நேற்றும், இன்றும் மட்டுமே தங்கம் கிராமுக்கு ரூ.950-ம், பவுனுக்கு ரூ.7,600-ம் உயர்ந்துள்ளது.

இந்த விலை தொடருமா... இப்போது என்ன செய்வது என்பதை விளக்குகிறார் பங்குச்சந்தை நிபுணர் ரெஜி தாமஸ்.

"சர்வதேச சந்தையில் தங்கம் மற்றும் வெள்ளி விலை ஏறியிருப்பதே, இன்றைய தங்கம் விலை உயர்விற்கான காரணம்.

தங்கம் விலை இப்போது ஏன் உயர்கிறது?

சில நாள்களாக, தங்கம் விலையில் கரெக்‌ஷனும், இன்னொரு பக்கம், பிராஃபிட் டேக்கிங்கும் நடந்தன. இவை இரண்டும் ஒரு முடிவிற்கு வர, இப்போது மீண்டும் முதலீட்டாளர்கள் தங்கத்தின் பக்கம் வந்திருக்கின்றனர்.

இது வழக்கமான பேட்டர்ன் தான்.

அமெரிக்க ஃபெடரல் ரிசர்வ் வங்கியின் அடுத்த கவர்னர் யார் என்கிற எதிர்பார்ப்பு இருந்து வந்தது. அதற்கான பதில், 'கெவின் வாஸ்' என்று தெரிய வந்தது.

இந்தப் பதில் தெரிவதற்கு முன்னால், தங்கம் விலையில் ஒரு நிலையற்ற தன்மை இருந்தது. பதில் தெரிந்ததும், சந்தை ஒரு நிலைத்தன்மையைப் பெற்றது.

ஆனால், இந்த ஒரே ஒரு கேள்வியால் மட்டும் தங்கம் விலை உயர்ந்து வந்ததா என்று கேட்டால், 'இல்லவே இல்லை'. இதைத் தாண்டி பல காரணிகள் தங்கம் விலையில் முக்கிய பங்காற்றின.

ஆனால், அவற்றுக்கான பதில் இன்னமும் தெரியவில்லை. அவை இன்னும் தொடர்ந்துகொண்டே தான் இருக்கின்றன.

ஆக, உலக அளவில் ஒரு நிலையற்ற தன்மை இருந்துதான் வருகிறது.

அதனால், முதலீட்டாளர்கள் தங்கம், வெள்ளியில் மீண்டும் முதலீடு செய்யத் தொடங்கியிருக்கிறார்கள்.

'நாம்' என்ன செய்யலாம்?

தங்கம் மற்றும் வெள்ளி ETF-ல் சிறிய அளவில் முதலீடு செய்யலாம். SIP போட்டு வருபவர்கள் குறைந்த தொகையை தொடர்ந்து முதலீடு செய்து வரலாம்.

தங்க நகை வாங்க நினைப்பவர்கள், 'தேவை' என்றால் மட்டும் வாங்குவது நல்லது. மற்றபடி, அவர்களுக்கும் மேலே சொன்னவை நல்ல ஆப்ஷன்.

ஆனால், எக்காரணத்தைக் கொண்டும் லம்சம் தொகையை முதலீடு செய்துவிடாதீர்கள்.

கமாடிட்டி சந்தையைப் பொறுத்த வரை, எப்போதுமே 'டிரேடிங்' தான் சிறந்த... சூப்பர் ஆப்ஷன்.

அதனால், தங்கம், வெள்ளியில் இப்போது நல்ல டிரேடிங் வாய்ப்பு காத்திருக்கிறது.

ஆனால், டிரேடிங்கின் போது மிக மிக கவனம் தேவை".

பங்குச்சந்தை சம்பந்தப்பட்ட தினம் தினம் தகவல்களைத் தெரிந்துகொள்ள 'Vikatan Play'-ல் 'Opening Bell Show' தினமும் காலை கேளுங்கள்.

Data in this section is not a buy/sell recommendation but only a compilation of information on various technical/volume-based parameters

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exists no conflict of interest that can bias his views in this report. The Analyst does not hold any share(s) in the company/ies discussed.

INVESTMENT IN SECURITIES MARKET ARE SUBJECT TO MARKET RISKS. READ ALL THE RELATED DOCUMENTS CAREFULLY BEFORE INVESTING. Registration granted by SEBI and certification from NISM in no way guarantee the performance of the intermediary or provide any assurance of returns to investors. For a detailed disclaimer and disclosure please visit https://www.vikatan.com/business/share-market/113898-disclaimer-disclosures. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this section is available at https://www.nseindia.com/report-detail/eq_security (Choose the respective symbol) /name of company/time duration)