BB Tamil 9: "நான் உனக்கு ஒரு வார்னிங் கொடுக்கிறேன் விக்ரம்" - எச்சரிக்கும் பிரஜின்

பிக் பாஸ் சீசன் 9 நிகழ்ச்சி 6 வாரங்களைக் கடந்திருக்கிறது. மொத்தம் 20 பேர் பங்கேற்றிருந்த இந்தப் போட்டியில் தற்போதுவரை 8 பேர் வெளியேறி இருக்கின்றனர்.

கடந்த வாரம் திவாகர் வெளியேற்றப்பட்டார்.

இந்த வாரம் 13 பேர் நாமினேஷனில் இடம் பெற்றிருக்கின்றனர்.

இந்த வாரம் சோறு, சோப்பு, மாப்பு என்ற பெயரில் டாஸ்க் நடந்தது. மூன்று அணிகளாகப் பிரிந்து ஹவுஸ்மேட்ஸ் இந்த டாஸ்க்கில் விளையாடினர். இதில் விக்கல்ஸ் விக்ரமின் மாப்பு டீம் வெற்றி பெற்றது.

இந்நிலையில் இன்று வெளியாகியிருக்கும் மூன்றாவது புரொமோவில், "விக்கல்ஸ் விக்ரமிற்கு ஒரு வார்னிங் கொடுக்கிறேன். நானும் சாண்ட்ராவும் கணவன் மனைவினு எல்லாருக்கும் தெரியும். நான் உங்களை வார்ன் பண்றேன்.

அவுங்க பூண்டு போட்டாங்கன்னா நீங்க ஏன் என் கிட்ட மட்டும் கேக்குறீங்க. எல்லார் கிட்டையும் கேளுங்க.

உங்களுக்குக் கஷ்டமா இருந்துச்சுன்னா சொல்லுங்க பிக் பாஸ் கிட்ட 2 நிமிஷம் டைம் வாங்கி டோர் ஓப்பன் பண்ணி வைக்க சொல்றேன்.

நீங்க வீட்டுக்குப் போய் உங்க மனைவியைக் கூட்டிட்டு வாங்க. பின்னால நின்னு முதுகில குத்துன்னா. நான் என்ன பண்ணுவேன்னு எனக்கு தெரியாது" என்று பிரஜின் கோபப்பட்டு விக்கல்ஸ் விக்ரமிடம் காட்டமாகப் பேசுகிறார்.

"நான் உங்க முன்னாடி நின்னு தான் பேசுறேன்" என விக்கல்ஸ் விக்ரம் கூலாகப் பதில் சொல்கிறார்.