'The Carrom Queen' - திரைப்படமாகும் காசிமாவின் கேரம் சாம்பியன் கதை! வெளியான அதிகாரப்பூர்வ அப்டேட்!

புது வண்ணாரப்பேட்டையைச் சேர்ந்த ஆட்டோ ஓட்டுநரின் மகள் காசிமா (17), அமெரிக்காவில் நடந்த உலகக்கோப்பை கேரம் சாம்பியன்ஷிப் போட்டியில் 3 தங்கப்பதக்கங்கள் வென்று சாதனைப் படைத்து தமிழகத்தைத் திரும்பிப் பார்க்க வைத்தார்.

சமீபத்தில் நடந்த 7வது கேரம் உலகக் கோப்பை போட்டி 2025-ல் குழுப்போட்டியில் தங்கப் பதக்கமும், தனிநபர் பிரிவில் வெண்கல பதக்கமும், இரட்டையர் பிரிவில் வெள்ளி பதக்கமும் வென்று மீண்டும் சாதனை படைத்தார்.

``மகளுக்கு 1 கோடி பரிசு; தமிழ்நாடு அரசுக்கு நன்றி"- நெகிழும் காசிமாவின் அப்பா

இதுகுறித்து நெகிழ்ச்சியாகப் பேசிய காசிமா, "6 வயது முதல் பயிற்சி எடுத்து வருகிறேன். 7 வயதில் தேசிய அளவிலான போட்டியில் இரண்டாம் இடம் பிடித்தேன். எனது அப்பாதான் கோச்சிங் கொடுத்து வருகிறார். தமிழ்நாடு கேரம் சங்க செயலாளர் மரிய இருதயமும் எனக்கு கோச்சிங் கொடுக்கிறார். என் வீட்டின் சுவர், கண்ணாடி என எல்லா இடத்திலும் ‘I’m a world champion one day’ என எழுதி வைத்திருப்பேன்.“ என்றார். தமிழகமே காசிமாவைப் பாராட்டி, கொண்டாடியது.

இப்போது காசிமாவின் கேரம் வெற்றிப் பயணத்தை மையமாகக் கொண்டு திரைப்படம் ஒன்று உருவாகவிருக்கிறது. அப்படத்திற்கு 'தி கேரம் குயின் (The Carrom Queen)' என்று பெயரிடப்பட்டுள்ளது.

ராண்டிய பூமேஷ், காளிவெங்கட், ரிஷி பிரகாஷ், அப்துல்லா உள்ளிட்டோர் இப்படத்தில் நடிக்கின்றனர். முரளி இப்படத்தை இயக்குகிறார். 'Nihan Entertainments' இப்படத்தைத் தயாரிக்கிறது.