BB Tamil 9: "எங்க டீம் வொர்ஸ்ட்'னு பேர் வாங்குனதுக்கு அவுங்க தான் காரணம்" - சாண்ட்ராவை சாடிய கனி

பிக் பாஸ் சீசன் 9 நிகழ்ச்சி 6 வாரங்களைக் கடந்திருக்கிறது. மொத்தம் 20 பேர் பங்கேற்றிருந்த இந்தப் போட்டியில் தற்போதுவரை 8 பேர் வெளியேறி இருக்கின்றனர்.

கடந்த வாரம் கனி, திவாகர் இருவரில் ஒருவர் வெளியேறுவார்கள் என்று தகவல்கள் வெளியான நிலையில் திவாகர் வெளியேற்றப்பட்டார்.

இந்த வாரம் 13 பேர் நாமினேஷனில் இடம் பெற்றிருக்கின்றனர்.

இந்த வாரம் சோறு, சோப்பு, மாப்பு என்ற பெயரில் டாஸ்க் நடந்தது. மூன்று அணிகளாக பிரிந்து ஹவுஸ்மேட்ஸ் இந்த டாஸ்க்கில் விளையாடினர். இதில் விக்கல்ஸ் விக்ரமின் மாப்பு டீம் வெற்றி பெற்றது.

இந்நிலையில் இன்று வெளியாகியிருக்கும் முதல் புரொமோவில், இந்த வாரம் நடைபெற்ற எல்லாவற்றிலும் சிறப்பாக பங்கு கொள்ளாத நபர் யார் என்று பிக் பாஸ் கேட்க ரம்யா, வினோத், திவ்யாவை ஒரு சிலர் சொன்னாலும் பெரும்பாலான ஹவுஸ்மேட்ஸ் சாண்ட்ராவை சொல்கின்றனர்.

"நிறைய டேலன்ட் இருந்த ஒரு டீம் வெளியே தெரியாம போயிருச்சோ" என சாண்டரா தலைமை தாங்கிய கிட்சன் டீமை விக்கல்ஸ் விக்ரம் சொல்கிறார். "வொர்ஸ்ட் டீம் என்ற பேஜ்ஜை கிட்சன் டீம் தாங்கிட்டு இருக்குன்னா அதற்கு காரணம் சாண்ட்ரா தான்" என கனி சாடுகிறார்.