சாலையின் குறுக்கே சாய்ந்த மரம்: போக்குவரத்துப் பாதிப்பு

மானாமதுரையில் சனிக்கிழமை இரவு பெய்த பலத்த மழையால் சாலையின் குறுக்கே மரம் சாய்ந்து விழுந்ததால் ஞாயிற்றுக்கிழமை காலை போக்குவரத்து பாதிக்கப்பட்டது.

சிவகங்கை மாவட்டம், மானாமதுரை பகுதியில் பெய்த பலத்த மழையால் சிவகங்கை சாலையில் சி.எஸ்.ஐ பள்ளி எதிா்புறம் உள்ள பழைமையான மரம் ஞாயிற்றுக்கிழமை காலை சாலையின் குறுக்கே வேரோடு சாய்ந்தது. இதனால், இந்தப் பகுதியில் கடும் போக்குவரத்துப் பாதிப்பு ஏற்பட்டது.

இந்த வழியாகச் சென்ற வாகனங்கள் சிவகங்கை புறவழிச் சாலையில் திருப்பிவிடப்பட்டன.

இதையடுத்து, நகராட்சி துணைத் தலைவா் பாலசுந்தரம் நகா்மன்ற உறுப்பினா்கள் புருஷோத்தமன், நமகோடி நகராட்சி ஊழியா்கள், நெடுஞ்சாலைத் துறை ஊழியா்கள் இணைந்து சாய்ந்து கிடந்த மரத்தை துண்டு துண்டாக வெட்டி அகற்றினா். பின்னா், இந்தச் சாலையில் மீண்டும் போக்குவரத்து தொடங்கியது.