சாலை பணிக்காக கண்மாய்கரை சேதம்-விவசாயிகள் புகாா்

திருப்புவனம் அருகே கிராமச் சாலை அமைக்கும் பணிக்காக கண்மாய்க்கரை வெட்டி சேதப்படுத்தப்பட்டதாக விவசாயிகள் புகாா் தெரிவித்தனா்.

சிவகங்கை மாவட்டம், திருப்புவனம் ஒன்றியம் பிரமனூா் கிராமத்திலிருந்து அச்சங்குளம் வரை உள்ள சாலை சேதமடைந்ததால் நிதி ஒதுக்கீடு செய்யப்பட்டு இந்தச் சாலையைச் சீரமைக்கும் பணி தொடங்கப்பட்டது. இந்தப் பணியின் போது சாலையின் உயரத்தை அதிகரிக்க சாலையின் இரு புறங்களிலும் நீண்ட தொலைவுக்குப் பள்ளங்கள் தோண்டியுள்ளனா்.

இதில் செம்மண் கொட்டி நிரப்பப்பாமல் அருகேயுள்ள கண்மாய்க் கரையை சேதப்படுத்தி இயந்திரம் மூலம் அங்கிருந்து மண் எடுத்து நிரப்பி வருவதாக புகாா் தெரிவிக்கப்பட்டது.

ஏற்கெனவே, கண்மாய்கரை பலவீனம் அடைந்துள்ள நிலையில் தற்போது சாலை சீரமைப்பு பணிக்காக கண்மாய்கரையை வெட்டி சேதப்படுத்தப்படுத்தியுள்ளனா். மேலும், இந்தச் சாலையில் வாகனங்களில் செல்வோா் அவதிக்குள்ளாகின்றனா். மழைக்காலம் தொடங்கியுள்ளதால் கண்மாயில் நீா்வரத்து அதிகரித்தால் பெரும் ஆபத்து ஏற்படும்.

எனவே, மாவட்ட நிா்வாகம் இதில், தலையிட்டு, சேதப்படுத்தப்பட்ட கண்மாய்கரையை பலப்படுத்த நடவடிக்கை எடுக்க வேண்டுமென கிராம மக்கள் வலியுறுத்தினா்.