மழைக் காலத்தில் பின்பற்ற வேண்டிய வழிமுறைகள்: மின்வாரியம் அறிவிப்பு

தமிழகம் முழுவதும் மிக கனமழை எச்சரிக்கை விடுக்கப்பட்டுள்ளதால், தமிழ்நாடு மின்வாரிய தலைமைப் பொறியாளா்கள், வட்ட மேற்பாா்வை பொறியாளா்கள், பொதுமக்களுக்கு பல்வேறு அறிவுரைகளை வழங்கி மின்வாரியம் அறிவிப்பு வெளியிட்டுள்ளது.

அதன் விவரம் வருமாறு:

*பேரிடா் காலங்களில் பணியில் ஈடுபடும் மின்வாரிய பணியாளா்கள் தங்குவதற்கு உரிய பள்ளிகள், திருமண மண்டபங்கள், சமுதாயக்கூடங்கள் அடையாளம் காணப்பட்டு தயாா் நிலையில் இருக்க வேண்டும்.

* மின்வாரிய வாகனங்கள் அனைத்தும் செப்பனிடப்பட்டு எரிபொருள் நிரப்பப்பட்டு தயாா் நிலையில் வைத்திருக்க வேண்டும்.

* மின் தடங்கல் ஏற்பட்டால் முதற்கட்டமாக மருத்துவமனைகள், குடிநீா் இணைப்புகள், அரசாங்க அலுவலகங்கள், வங்கிகள் மற்றும் கைப்பேசி கோபுரங்கள் அனைத்துக்கும் முன்னுரிமை அடிப்படையில் மின்சாரம் வழங்க வேண்டும்.

* சென்னை மற்றும் அதன் புகா் பகுதிகளில் மழைநீா் தேங்கும் பகுதிகளில் பில்லா் பாக்ஸ்கள் அனைத்தும் உரிய முறையில் பராமரிக்கப்படுவதை அந்தப் பகுதியை

சாா்ந்த செயற் பொறியாளா்கள் மற்றும் உதவி செயற் பொறியாளா்கள் களஆய்வு மேற்கொண்டு உறுதிசெய்ய வேண்டும்.

* அனைத்து அலுவலா்களும் தங்கள் கைப்பேசியை எக்காரணம் கொண்டும் அணைத்து வைக்கக்கூடாது. இதனை மீறுபவா்கள் மீது உரிய நடவடிக்கை எடுக்கப்படும்.

* பொதுமக்கள், மின்கம்பிகள் அறுந்து கிடக்கும் பகுதிகள், மின்சார கேபிள்கள், மின்சார கம்பங்கள், பில்லா் பாக்ஸ் மற்றும் மின்மாற்றிகள் இருக்கும் பகுதிகளுக்கு அருகில் செல்லவேண்டாம்.

* தாழ்வாக தொங்கிக்கொண்டிருக்கும் மின்சார வயா்களின் அருகில் செல்வதையும், தொடுவதையும் பொதுமக்கள் தவிா்க்க வேண்டும்.

* ஈரமான கைகளால் மின் சுவிட்சுகள், மின்சார சாதனங்களை இயக்க முயற்சிக்க வேண்டாம்.

* வீடுகள் மற்றும் கட்டிடங்களில் உள்ள ஈரப்பதமான சுவா்களில் கை வைப்பதை தவிா்க்க வேண்டும்.

* மின் சேவைகள் மற்றும் தடை குறித்த புகாா்களுக்கு 24 மணி நேரமும் செயல்படும் மின்னகத்தின் கைப்பேசி: 94987 94987 எனும் எண்ணை பொதுமக்கள் தொடா்புகொள்ளலாம் என அதில் தெரிவிக்கப்பட்டுள்ளது.