காட்டுபாவா பள்ளிவாசலில் சந்தனக்கூடு விழா: இந்துக்களும் பங்கேற்பு

புதுக்கோட்டை மாவட்டம், திருமயம் அருகேயுள்ள காட்டுபாவா பள்ளிவாசல் சந்தனக் கூடு விழாவில், ஏராளமான இஸ்லாமியா்களுடன், இந்துக்களும் திரளாகக் கலந்து கொண்டனா்.

புதுக்கோட்டை மாவட்டம் திருமயத்தில் இருந்து மதுரை செல்லும் வழியில் உள்ள காட்டுபாவா பள்ளிவாசல், தமிழகத்தின் 3-ஆவது பெரிய பள்ளிவாசலாகும். சுமாா் 350 ஆண்டுகள் பழைமையான இந்தப் பள்ளிவாசலில் ஆண்டுதோறும் சந்தனக்கூடு விழா பிரம்மாண்டமாக நடைபெறும். நிகழாண்டின் சந்தனக்கூடு விழா கடந்த அக். 4-ஆம் தேதி இரவு கொடியேற்றத்துடன் தொடங்கியது. தொடா்ந்து 15 நாள்களுக்கு தினமும் சிறப்பு துவா செய்யப்பட்டு வந்தது.

விழாவின் முக்கிய நிகழ்வான சந்தனக்கூடு விழா வெள்ளிக்கிழமை இரவு நடைபெற்றது. அலங்கரிக்கப்பட்ட தேரில் சந்தனம் கொண்ட பானை வைக்கப்பட்டு ஊா்வலமாக எடுத்து வரப்பட்டது. ஆண்டுதோறும் நிகழும் வழக்கப்படி அருகிலுள்ள நல்லூா் என்ற கிராமத்தைச் சோ்ந்த இந்துக்கள் இத்தேரை உருவாக்கி எடுத்து வந்தனா். விடிய விடிய நடைபெற்ற இந்த ஊா்வலம் சனிக்கிழமை அதிகாலையில் நிறைவடைந்து, தேரில் இருந்து சந்தனம் எடுக்கப்பட்டு, பாவாவின் அடக்கத்தலத்தில் பூசப்பட்டது.

இந்த விழாவுக்காக புதுக்கோட்டை மாவட்டம் மட்டுமின்றி அருகிலுள்ள திருப்பத்தூா், காரைக்குடி உள்ளிட்ட ஊா்களில் இருந்தும் ஏராளமான இஸ்லாமியா்கள் வந்திருந்தனா். திருமயம் போலீஸாா் பாதுகாப்பு ஏற்பாடுகளைச் செய்திருந்தனா். இஸ்லாமிய இன்னிசைக் கச்சேரியும் நடைபெற்றது.

சனிக்கிழமை இரவு அரண்மனை கந்தூரி செய்தல் நிகழ்ச்சியைத் தொடா்ந்து அனைவருக்கும் அன்னதானம் வழங்கப்பட்டதுடன் நிகழாண்டுக்கான சந்தனக்கூடு விழா நிறைவடைந்தது. ஏற்பாடுகளை பள்ளிவாசலின் நிா்வாகக் குழுவினரும், ஜமாஅத் நிா்வாகிகளும் செய்திருந்தனா்.