ஆளுநரின் கருத்துகள் தமிழகத்தின் கலாசாரம், உரிமைக்கு எதிரானது

ஆளுநரின் தெரிவிக்கும் கருத்துகள் தமிழகத்தின் கலாசாரம், உரிமைக்கு எதிராக உள்ளது என மாா்க்சிஸ்ட் கம்யூனிஸ்ட் கட்சி அரசியல் தலைமைக்குழு உறுப்பினா் பிரகாஷ் காரத் தெரிவித்தாா்.

ஈரோடு- பெருந்துறை சாலையில் புதுப்பிக்கப்பட்ட மாா்க்சிஸ்ட் கம்யூனிஸ்ட் கட்சி மாவட்டக் குழு அலுவலகத்தை அக்கட்சியின் அரசியல் தலைமைக்குழு உறுப்பினா் பிரகாஷ் காரத் ஞாயிற்றுக்கிழமை திறந்துவைத்தாா். இதனைத் தொடா்ந்து பொதுக்கூட்டம் நடைபெற்றது. இதில் மாநிலச் செயலாளா் கே.பாலகிருஷ்ணன், கூட்டணி கட்சி நிா்வாகிகள் பேசினா்.

கூட்டத்தில் பிரகாஷ் காரத் பேசியதாவது:

மத்திய அரசு இந்தியாவின் பன்முகத்தன்மை மீது தாக்குதல் நடத்துகிறது. பாஜக, ஆா்எஸ்எஸுடன் சோ்ந்து ஒரே நாடு, ஒரே மொழி, ஒரு கலாசாரம் செயல்படுத்த முயற்சித்து வருகிறது. பாஜக ஆட்சியில் இல்லாத மாநிலத்தில் மற்றவா்கள் ஆட்சி செய்வதை மோடி அரசால் சகித்துக்கொள்ள முடியவில்லை. அதனால்தான் தமிழகத்தில் திமுகவுக்கு எதிராக ஆளுநா் கருத்துகளை வெளியிட்டு வருகிறாா். இவை தமிழகத்தின் கலாசாரம், உரிமைக்கு எதிராக உள்ளது.

ஒரே நாடு, ஒரே தோ்தல் மூலம் நாடு முழுவதும் மக்களவை உள்ளிட்ட அனைத்துக்கும் தோ்தல் நடத்தி இந்தியாவின் கூட்டாட்சி தத்துவத்தின் மீது தாக்குதல் நடத்த பாா்க்கிறது. இதன் மூலம் நாடு முழுவதும் உள்ள உள்ளாட்சி அமைப்புகளுக்கு தோ்தல் நடத்தும் அதிகாரத்தை மாநில தோ்தல் ஆணையத்திடம் இருந்து பறிக்க பாா்க்கிறது. இது பாஜக, ஆா்எஸ்எஸ் ஆகியவற்றின் சதி செயல்.

பாஜக அரசு பெரும் முதலாளிகளுக்கான பொருளாதார கொள்கையை செயல்படுத்துகிறது. கடந்த 10 ஆண்டுகள் மோடி ஆட்சியின் காா்ப்பரேட் ஆதரவு கொள்கையால் எளிய மக்களின் மீது சுமையை ஏற்றியுள்ளது. வேலையில்லாத திண்டாட்டம் அதிகரித்து வருகிறது. இந்தியாவில் 25 சதவீத இளைஞா்கள் வேலையில்லாமல் உள்ளனா்.

சா்வதேச அளவில் கடந்த 6 மாதங்களில் கச்சா எண்ணெய் விலை 18 சதவீதம் குறைந்துள்ளது. ஆனால், பெட்ரோல் நிறுவனங்கள் விலையைக் குறைக்கவில்லை. மோடி அரசு கடந்த 10 ஆண்டுகளில் மக்களின் மீது வரிச் சுமையை சுமத்தி ரூ.2 லட்சத்து 60 ஆயிரம் கோடி வரி பெற்றுள்ளது. 2025 ஏப்ரல் மாதம் மதுரையில் நடக்க உள்ள மாநாட்டில் மக்கள் சந்திக்கும் பிரச்னைகளுக்காக போராட்டங்களை நடத்துவது குறித்து ஆலோசனை நடத்தப்பட்டு வருகிறது என்றாா்.