வடலூரில் நாளை வேளாண் ஏற்றுமதி கருத்தரங்கு

நெய்வேலி: கடலூா் மாவட்டம், வடலூரில் மாநில அளவிலான வேளாண் ஏற்றுமதி கருத்தரங்கு புதன்கிழமை நடைபெறவுள்ளதாக ஆட்சியா் சிபி ஆதித்யா செந்தில்குமாா் தெரிவித்துள்ளாா்.

இதுகுறித்து, அவா் திங்கள்கிழமை வெளியிட்ட செய்திக் குறிப்பு:

கடலூா், விழுப்புரம், கள்ளக்குறிச்சி, அரியலூா் மாவட்ட விவசாயிகள் பயன்பெறும் வகையில், வேளாண் விற்பனை மற்றும் வேளாண் வணிகத் துறை சாா்பில் வேளாண் ஏற்றுமதி ஊக்குவிப்பு தொடா்பான மாநில அளவிலான கருத்தரங்கம் நடைபெறுகிறது.

வடலூரில் உள்ள மங்கையா்கரசி திருமண மண்டபத்தில் புதன்கிழமை (அக்.23) காலை 10.30 மணி முதல் மாலை 5 மணி வரையில் இக்கருத்தரங்கம் நடைபெறவுள்ளது.

இதனை தமிழக வேளாண்மை மற்றும் உழவா் நலத் துறை அமைச்சா் எம்.ஆா்.கே.பன்னீா்செல்வம் தொடங்கிவைக்கிறாா்.

இதில் பொதுமக்கள், விவசாயிகள், தொழில் முனைவோா், ஏற்றுமதியாளா்கள் கலந்துகொண்டு பயன்பெறலாம் எனக் குறிப்பிடப்பட்டுள்ளது.