வாராப்பூா் அருகே குளக்கரையில் புதைந்திருந்த 4 அடி உயர சிவலிங்கம் மீட்பு

புதுக்கோட்டை மாவட்டம், வாராப்பூா் அருகே பொதுப்பணித் துறை குளக்கரையில் மண்ணுக்குள் புதைந்திருந்த சுமாா் 500 ஆண்டுகளுக்கு முற்பட்ட 4 அடி உயரமுள்ள சிவலிங்கம் வருவாய்த் துறையினரால் கண்டெடுக்கப்பட்டுள்ளது.

வாராப்பூா் குறுவட்டத்தைச் சோ்ந்த மேலபுலவன்காட்டிலுள்ள பொதுப்பணித் துறைக்குச் சொந்தமான பெரியதரப்பா குளத்தின் கரையில் கல் சிற்பம் தெரிவதாக காவல்துறையினா் மூலம் வருவாய்த் துறையினருக்கு தகவல் தெரிவிக்கப்பட்டது.

இந்நிலையில், வாராப்பூா் வருவாய் ஆய்வாளா் சித்ரா, கிராம நிா்வாக அலுவலா் லோகேஷ் உள்ளிட்டோா் நேரில் பாா்வையிட்டு, அந்தப் பகுதியைத் தோண்டுவதற்கு ஏற்பாடு செய்தனா். அப்போது, சுமாா் 4 அடி உயரமுள்ள சிவலிங்கம் திங்கள்கிழமை முழுமையாக வெளிக்கொணரப்பட்டது.

இதையறிந்த அப்பகுதி மக்கள் சிவலிங்கத்துக்கு மஞ்சள், குங்குமம், திருநீறு இட்டு வழிபடத் தொடங்கினா். இந்த சிவலிங்கத்தை புதுக்கோட்டை வட்டாட்சியா் அலுவலகத்துக்கு கொண்டு வந்தனா். முறைப்படி கருவூலத்தில் ஒப்படைக்கப்பட்ட பிறகு, தொல்லியல் துறையினருக்கு தகவல் தெரிவித்து ஆய்வு செய்யப்படலாம் எனத் தெரிகிறது.

இப்போதுள்ள சிவலிங்கத்தின் உருவ அமைப்பு, செதுக்கப்பட்ட அழகியல் சாா்ந்து இது சுமாா் 500 ஆண்டுகளுக்கு முற்பட்டதாக இருக்கலாம் என தொல்லியல் ஆா்வலா்கள் தெரிவிக்கின்றனா்.