விஷவண்டுகள் கடித்து 8 போ் காயம்

புதுக்கோட்டை மாவட்டம், ஆலங்குடி அருகே விஷ வண்டுகள் கடித்து பள்ளி மாணவ, மாணவிகள் உள்பட 8 போ் திங்கள்கிழமை காயமடைந்து மருத்துவமனையில் அனுமதிக்கப்பட்டனா்.

ஆலங்குடி அருகேயுள்ள வடகாடு ஊராட்சி வடக்குப்பட்டி பகுதியில் இருந்து வடகாடு அரசு மேல்நிலைப்பள்ளிக்கு திங்கள்கிழமை காலை மாணவ, மாணவிகள் சென்றபோது, அவ்வழியாகப் பறந்து சென்ற விஷவண்டுகள் (கதண்டு)மாணவ, மாணவிகளைக் கடித்துள்ளது. இதைப்பாா்த்த அப்பகுதியினா் மாணவ, மாணவிகளை மீட்கச்சென்றபோது, அவா்களையும் விஷ வண்டுகள் கடித்தது.

இதில், வந்தனா(16), சமீதா(13), துா்கா (14), ஜெகதீஷ்வரன் (14), ஹரிகரன் (14) உள்ளிட்ட மாணவ மாணவிகளும், அவா்களை மீட்கச்சென்ற அதே பகுதியைச் சோ்ந்த சங்கா் (40), ஜெயராஜ் (60), இளையராஜா (30) ஆகியோரையும் விஷவண்டுகள் கடித்ததில் அவா்களுக்கு உடலில் வீக்கம் உள்ளிட்ட பாதிப்பு ஏற்பட்டது.

தொடா்ந்து, 8 பேரும் ஆலங்குடி அரசு மருத்துவமனையில் அனுமதிக்கப்பட்டு சிகிச்சை பெற்று வருகின்றனா்.