கோவையில் இடியுடன் கூடிய பலத்தமழை

கோவையில் காந்திபுரம், பீளமேடு உள்ளிட்ட சுற்றுவட்டாரப் பகுதிகளில் இடியுடன் கூடிய பலத்த மழை பெய்துள்ளது.

கோவை மாவட்டத்தில், காலை முதல் மழைக்கான அறிகுறிகள் தென்படாத நிலையில், பிற்பகலுக்குப் பிறகு வானிலையில் மாற்றம் ஏற்பட்டு காந்திபுரம், பீளமேடு உள்ளிட்ட சுற்றுவட்டார பகுதிகளில் இன்று பகலில், இடியுடன் கூடிய பலத்தமழை பெய்துள்ளது.

கோவை மாவட்டத்தில் காலை முதல் வெயிலின் தாக்கம் அதிகமாக இருந்த நிலையில், மதியத்தில் இருந்து பல்வேறு பகுதிகளில் மேகமூட்டமாக காணப்பட்டது.

இந்நிலையில் இன்று மாலை திடீரென பீளமேடு, காந்திபுரம், உக்கடம், ராமநாதபுரம், ரயில் நிலையம், கவுண்டம்பாளையம் உள்ளிட்ட பல்வேறு இடங்களில் இடியுடன் கூடிய பலத்தமழை பெய்தது.

இதனால் முக்கிய சாலைகளில் மழை நீர் பெருக்கெடுத்து ஓடியது. காலையிலிருந்து வெயிலின் தாக்கம் அதிகமாக இருந்த நிலையில் மாலை நேரத்தில் மழை பெய்ததால் பொதுமக்கள் மகிழ்ச்சி அடைந்தனர்.