பைக் மீது காா் மோதியதில் இருவா் உயிரிழப்பு

பரமக்குடி அருகே இரு சக்கர வாகனம் மீது காா் மோதியதில் ஞாயிற்றுக்கிழமை இருவா் உயிரிழந்தனா்.

சிவகங்கை மாவட்டம், குமாரக்குறிச்சி கிராமத்தைச் சோ்ந்த ராஜேந்திரன் மகன் சந்தோஷ் (24). இவரது நண்பா் பரமக்குடி சந்தைக் கடைத் தெருவைச் சோ்ந்த நாகராஜன் மகன் லோகநாதன் (25). இவா்கள் இருவரும் இரு சக்கர வாகனத்தில் ராமநாதபுரம் சென்றுவிட்டு, மீண்டும் பரமக்குடியை நோக்கி வந்தனா்.

அரியனேந்தல் பகுதியில் உள்ள நான்குவழிச் சாலை பிரிவில் வந்தபோது, எதிரே வந்த காா் இவா்களது இரு சக்கர வாகனம் மீது மோதியது. இந்த விபத்தில் பலத்த காயமடைந்த சந்தோஷ், லோகநாதன் சம்பவ இடத்திலேயே உயிரிழந்தனா். தகவலறிந்து வந்த பரமக்குடி போலீஸாா் இருவரது உடல்களையும் மீட்டு, கூறாய்வுக்காக பரமக்குடி அரசு மருத்துவமனைக்கு அனுப்பி வைத்தனா்.

இதுகுறித்து போலீஸாா் வழக்குப் பதிவு செய்து காரை ஓட்டிவந்த மதுரை அரசு மருத்துவமனையில் மருத்துவராக பணிபுரியும் வினோதினிபிரியாவிடம் விசாரித்து வருகின்றனா்.