3 நாள்களுக்குப் பிறகு மீன் பிடிக்கச் சென்ற மீனவா்கள்

வானிலை சீரடைந்த நிலையில், ராமேசுவரத்திலிருந்து 2 ஆயிரத்துக்கும் மேற்பட்ட மீனவா்கள் சனிக்கிழமை மீன்பிடிக்கச் சென்றனா்.

வங்கக் கடலில் குறைந்த காற்றழுத்த தாழ்வு நிலை காரணமாக, ராமநாதபுரம் மாவட்ட மீனவா்கள் மீன்பிடிக்கச் செல்ல மீன் வளம், மீனவா் நலத் துறையினா் தடை விதித்தனா். கடந்த 3 நாள்களாகத் தொடா்ந்து மீனவா்கள் மீன்பிடிக்கச் செல்லவில்லை.

ராமேசுவரம் பகுதியில் வானிலை சீரடைந்த நிலையில், 2 ஆயிரத்துக்கும் மேற்பட்ட மீனவா்கள் மீன் வளம், மீனவா் நலத் துறை அனுமதி பெற்று, சனிக்கிழமை கடலுக்குள் மீன் பிடிக்கச் சென்றனா்.

இலங்கைக் கடற்படையினரின் அச்சுறுத்தல் இன்றி மீன் பிடிக்கும் வகையில், எல்லைப் பகுதியில் இந்தியக் கடற்படையினா் கண்காணிப்புப் பணியில் ஈடுபட வேண்டும் அவா்கள் என கோரிக்கை விடுத்தனா்.