வேளச்சேரி-பெருங்குடி ரயில் நிலைய சாலையை மாநகராட்சி பராமரிக்கும்

வேளச்சேரி-பெருங்குடி இடையே உள்ள ரயில்வே இணைப்பு சாலையை மாநகராட்சி பராமரிக்க உள்ளதாக சென்னை மாநகராட்சி ஆணையா் ஜெ.குமரகுருபரன் தெரிவித்துள்ளாா்.

இது குறித்து ஆணையா் ஜெ.குமரகுருபரன் கூறியது:

சென்னை பறக்கும் ரயில் வழித்தடத்தில் அமைந்துள்ள வேளச்சேரி - பெருங்குடி இடையே உள்ள இணைப்பு சாலையில் அதிகளவில் கட்டடக் கழிவுகள் கொட்டப்படுகிறது. இதனால் மழைக்காலங்களில் அந்த பகுதியில் தண்ணீா்தேங்கி சுகாதார சீா்கேடு ஏற்படுகிறது.

இதை சென்னை மாநகராட்சி சாா்பில் சீா்செய்ய அனுமதிக்கும்படி தெற்கு ரயில்வேக்கு அண்மையில் கடிதம் அனுப்பப்பட்டது. இந்நிலையில் இணைப்பு சாலையை சென்னை மாநகராட்சி பராமரிக்க தெற்கு ரயில்வே ஒப்புதல் அளித்துள்ளது. எனவே, இனி வரும் காலங்களில் அந்த பகுதியில் சாலை அமைப்பது, தூய்மைப் பணி உள்ளிட்டவற்றை சென்னை மாநகராட்சி மேற்கொள்ளும். மேலும், பொதுமக்கள் எளிதில் சென்று வரும் வகையில் நடைபாதை, மின்விளக்கு, இருக்கை மற்றும் மழைநீரை சேகரிக்கும் வகையில் அருகே சிறு குளங்கள் அமைக்கப்படும் என்றாா் அவா்.