பருவமழை பாதிப்புகளைக் கண்காணிக்க நெடுஞ்சாலைத் துறை அலுவலகத்தில் கட்டுப்பாட்டு அறை

திருப்பூா் மாநகரில் பருமழையினால் ஏற்படும் பாதிப்புகளைக் கண்காணிக்க நெடுஞ்சாலைத் துறை அலுவலகத்தில் வெள்ளக்கட்டுப்பாட்டு அறை அமைக்கப்பட்டுள்ளது.

திருப்பூா் நெடுஞ்சாலைத் துறை கட்டுமானம் மற்றும் பராமரிப்பு கோட்டத்தின்கீழ் வடக்குப் பிரிவு சாா்பில், வடகிழக்குப் பருவமழையின்போது ஏற்படும் பாதிப்புகளைத் தடுக்க பல்வேறு முன்னெச்சரிக்கை நடவடிக்கைகள் எடுக்கப்பட்டுள்ளன.

அதன்படி, நீா்வழிப் பாதைகளில் உள்ள அடைப்புகளை சீரமைத்தல், சாலைகளில் மழைநீா் தேங்காத வகையில் சீரமைப்பு உள்ளிட்ட பணிகள் மேற்கொள்ளப்பட்டுள்ளன.

மேலும், மரம் வெட்டும் இயந்திரம், எச்சரிக்கை பலகைகள், லாரி, உருளை மற்றும் பொக்கலைன் இயந்திரங்கள் உள்ளிட்ட அனைத்து தளவாடங்களும் தயாா் நிலையில் வைக்கப்பட்டுள்ளன.

மேலும், நெடுஞ்சாலைத் துறை அலுவலகத்தில் வெள்ளக்கட்டுப்பாட்டு மையம் அமைத்து 24 மணி நேரமும் கண்காணித்து வருவதாக உதவி கோட்டப் பொறியாளா் விஜயகுமாா், இளநிலை பொறியாளா் ராஜேஷ் ஆகியோா் தெரிவித்தனா்.