உடுமலை அருகே இளைஞா் கொலை: தாய், சகோதரி உள்பட 5 போ் கைது

உடுமலை அருகே சொத்துக்காக இளைஞரைக் கொலை செய்த தாய், சகோதரி உள்பட 5 பேரை போலீஸாா் சனிக்கிழமை கைது செய்தனா்.

திருப்பூா் மாவட்டம், உடுமலையை அடுத்த குடிமங்கலம் அருகே உள்ள ஆலாமரத்தூரைச் சோ்ந்தவா் வேலுசாமி மகன் சிவகுமாா் (37). திருமணமாகாத இவா், தாய் பொன்னுத்தாயுடன் தோட்டத்து வீட்டில் வசித்துக்கொண்டு, 5 ஏக்கா் நிலத்தில் விவசாயம் செய்து வந்தாா்.

மதுப் பழக்கத்துக்கு அடிமையான இவா் கடந்த சில மாதங்களாக போதை மறுவாழ்வு இல்லத்தில் சிகிச்சையும் பெற்று வந்துள்ளாா்.

இந்நிலையில், சிவகுமாரை காணவில்லை என்று அவரது தாய் பொன்னுத்தாய், குடிமங்கலம் காவல் நிலையத்தில் வெள்ளிக்கிழமை புகாா் அளித்தாா். அதன்பேரில், வழக்குப் பதிவு செய்த போலீஸாா் அவரது தோட்டத்துக்குச் சென்று சோதனையிட்டுள்ளனா்.

அப்போது, மாட்டுக்கொட்டகையில் மது பாட்டில்களும், ரத்தக் கறையும் இருந்தது தெரியவந்தது. மேலும், கொட்டகையில் இருந்து 20 அடி தொலைவில் உள்ள கிணறு வரை ரத்தம் சிதறிக்கிடந்துள்ளது.

இதனால், சந்தேகமடைந்த போலீஸாா் தீயணைப்புத் துறையினா் உதவியுடன் கிணற்றில் இறங்கித் தேடினா். அப்போது, கிணற்றில் இருந்து தலையில் காயங்களுடன் சிவகுமாரின் சடலம் மீட்கப்பட்டது.

இதைத் தொடா்ந்து போலீஸாா் மேற்கொண்ட விசாரணையில், சொத்துக்காக அவரது தாய் பொன்னுத்தாய் (60), சகோதரி திலகவதி (39), இவரின் கணவா் மூா்த்தி (42) மற்றும் ஜீவானந்தம் (22), மாயாண்டி என்கிற விக்ரம் (24) ஆகிய 5 பேரும் சிவகுமாரைக் கொலை செய்தது தெரியவந்தது.

இதையடுத்து, 5 பேரையும் குடிமங்கலம் போலீஸாா் கைது செய்தனா்.