தொழிற்சாலை உரிமத்தை ஆன்லைனிலேயே புதுப்பித்து கொள்ளலாம்

ஒருங்கிணைந்த வேலூா் மற்றும் திருவண்ணாமலை மாவட்டத்தில் 2025-ஆம் ஆண்டுக்கான தொழிற்சாலை உரிமத்தை ஆன்லைனில் புதுப்பித்துக் கொள்ளலாம் எனத் தெரிவிக்கப்பட்டுள்ளது.

இது குறித்து, வேலூா் தொழிலகப் பாதுகாப்பு, சுகாதாரம் கோட்டம் 1-இன் இணை இயக்குநா் எஸ்.தங்கதுரை, கோட்டம் 2-இன் இணை இயக்குநா் சி.அனிதா ஆகியோா் வெளியிட்ட செய்திக் குறிப்பு:

தமிழகத்திலுள்ள அனைத்து பதிவு பெற்ற தொழிற்சாலைகளுக்கும் வரும் 2025-ஆம் ஆண்டுக்கான தொழிற்சாலை உரிமத்தை ‘ஆன்லைன்’ மூலம் இந்த மாதம் 31-ஆம் தேதிக்குள் புதுப்பித்துக் கொள்ளலாம்.

எனவே, வேலூா், ராணிப்பேட்டை, திருப்பத்தூா், திருவண்ணாமலை மாவட்டங்களில் உள்ள அனைத்து பதிவு பெற்ற தொழிற்சாலைகள் தங்களது உரிமத்தை புதுப்பிக்க இணையதள முகவரியில் கட்டணத்தை செலுத்த முடியும். பதிவேற்றம் செய்யப்பட்ட உடனே தங்கள் தொழிற்சாலை சட்ட உரிமம் புதுப்பிக்கப்பட்டு, அதை ஆன்லைன் முறையிலேயே பதிவிறக்கம் செய்து கொள்ளலாம்.

இதற்காக அலுவலகம் வரவேண்டிய அவசியம் இல்லை. உரிய காலத்தில் உரிமக் கட்டணம் செலுத்தி உரிமம் பெற்றுக் கொள்ளலாம் எனத் தெரிவிக்கப்பட்டுள்ளது.