ஜம்மு-காஷ்மீரில் பயங்கரவாத தாக்குதல்: மருத்துவா், 4 வெளிமாநில தொழிலாளா்கள் உயிரிழப்பு

ஜம்மு-காஷ்மீரின் கந்தா்பால் மாவட்டத்தில் பயங்கரவாத தாக்குதலில் மருத்துவா் உள்பட 5 வெளி மாநில தொழிலாளா்கள் உயிரிழந்தனா். இருவா் காயமடைந்தனா்.

கந்தா்பால் மாவட்டத்தின் குந்த் பகுதியில் சுரங்கப்பாதை அமைக்கப்பட்டு வருகிறது. இதன் கட்டுமானத்தில் ஈடுபட்டுள்ள தனியாா் நிறுவனத்தின் பணியாளா்கள் அருகே தற்காலிக குடியிருப்பில் தங்கியுள்ளனா்.

இந்நிலையில், அப்பகுதியில் ஞாயிற்றுக்கிழமை திடீரென நுழைந்த பயங்கரவாதிகள், துப்பாக்கியால் சுட்டு தாக்குதல் நடத்தினா். இதில் மருத்துவா், வெளி மாநிலங்களைச் சோ்ந்த 4 தொழிலாளா்கள் சம்பவ இடத்திலேயே உயிரிழந்தனா். குண்டு பாய்ந்து காயமடைந்த 2 தொழிலாளா்கள் மருத்துவமைனையில் அனுமதிக்கப்பட்டுள்ளனா்.

அப்பகுதி முழுவதையும் கட்டுப்பாட்டுக்குள் கொண்டு வந்த காவல்துறை மற்றும் ராணுவம், தப்பியோடிய பயங்கரவாதிகளைத் தேடும் பணியில் ஈடுபட்டுள்ளனா்.

ஜம்மு-காஷ்மீா் யூனியன் பிரதேசத்தில் தேசிய மாநாட்டுக் கட்சி-காங்கிரஸ் கூட்டணியின் புதிய ஆட்சி பொறுப்பேற்ற 4 நாள்களில் இந்த பயங்கரவாத தாக்குதல் நடைபெற்றுள்ளது. இதற்கு கடும் கண்டனத்தைப் பதிவு செய்த முதல்வா் ஒமா் அப்துல்லா, உயிரிழந்தவா்களின் குடும்பத்தினருக்கு தனது இரங்கலை தெரிவித்தாா்.

தாக்குதலைக் கண்டித்த காங்கிரஸ், ‘இதுபோன்ற சம்பவங்கள் பிராந்தியச் சூழலை சீா்குலைக்கும். அப்பாவி தொழிலாளா்கள் மீதான இத்தகைய கொடூரமான தாக்குதலைத் தடுக்க அரசு உரிய நடவடிக்கை எடுக்க வேண்டும் என்று வலியுறுத்தியது.