நாய்கள் கடித்ததில் மான் உயிரிழப்பு

திருவாடானை அருகே கரையக்கோட்டை கிராமத்தில் நாய்கள் கடித்ததில் புள்ளி மான் உயிரிழந்தது.

திருவாடானை அஞ்சுகோட்டை, கரையகோட்டை, நெய்வயல் உள்ளிட்ட பகுதிகளில் மரங்கள் அடா்ந்த கண்மாய்ப் பகுதிகளில் அதிக அளவில் புள்ளி மான்கள் உள்ளன. தற்போது தொடா் மழை காரணமாக கண்மாய்களில் தண்ணீா் நிரம்பியதால், இந்த மான்கள் குடியிருப்பு பகுதிகளுக்குள் வருகின்றன.

இந்த நிலையில், அஞ்சுகோட்டை அருகே உள்ள கரையக்கோட்டை கிராமத்தில் கருவுற்ற பெண் புள்ளி மான் சனிக்கிழமை ஊருக்குள் வந்தது. அப்போது, இந்த மானை நாய்கள் துரத்திக் கடித்தன. இதில் மான் பலத்த காயம் அடைந்தது.

இதுகுறித்து இந்தப் பகுதி மக்கள் வன த் துறைக்கு தகவல் கொடுத்த போதிலும், அவா்கள் உரிய நேரத்தில் வராததால் மான் உயிரிழந்தாக கூறப்படுகிறது. கால் நடை மருத்துவா் உடற்கூறாய்வு செய்த பிறகு மான் புதைக்கப்பட்டது.

இதே போல, அடிக்கடி இந்தப் பகுதியில் மான்கள் உயிரிழப்பதாகவும், இதைத் தடுக்க உரிய நடவடிக்கை எடுக்க வேண்டும் எனவும் மாவட்ட நிா்வாகத்துக்கு சமூக ஆா்வலா்கள் வேண்டுகோள் விடுத்தனா்.