இணைய வழி வா்த்தகம் மூலம் கோ-ஆப்டெக்ஸில் கூடுதல் விற்பனை: அமைச்சா் ஆா்.காந்தி

சென்னை: இணைய வழி வா்த்தகம் மூலமாக நிகழாண்டு கோ-ஆப்டெக்ஸில் விற்பனை அதிகரித்துள்ளதாக கைத்தறி மற்றும் துணி நூல் துறை அமைச்சா் ஆா்.காந்தி தெரிவித்தாா்.

தீபாவளியை ஒட்டி, சென்னை எழும்பூரில் உள்ள கோ-ஆப்டெக்ஸ் விற்பனை நிலையத்தில் செவ்வாய்க்கிழமை நடைபெற்ற நிகழ்ச்சியில் புதிய ரகங்களை அறிமுகம் செய்த அவா் செய்தியாளா்களிடம் கூறியது:

கோ-ஆப்டெக்ஸ் கடைகளில் வாங்கப்படும் துணிக்கு ஏற்ற வகையில் வாடிக்கையாளா்களுக்கு புள்ளிகள் வழங்கப்படும். ரூ.100 மதிப்பிலான துணியை வாங்கினால் ஒரு புள்ளி வழங்கப்படும். ஒரு புள்ளி என்பது ரூ.1 மதிப்புடையது. அதிகளவு தொகை சேரும் போது அதைக் கொண்டு பொருள்களைப் பெறலாம். தீபாவளி விற்பனைக்கு ரூ.100 கோடி மதிப்பில் கைத்தறித் துணிகளை விற்க இலக்கு நிா்ணயிக்கப்பட்டுள்ளது. இணையவழி வணிகம் மூலம் இதுவரை ரூ.1.10 கோடிக்கு விற்பனை நடைபெற்றுள்ளது. இது கடந்த ஆண்டு விற்பனையை விட ரூ.75 லட்சம் அதிகமாகும் என்றாா் அவா்.

இந்த நிகழ்ச்சியில், கைத்தறி, கைத்திறன், துணிநூல் மற்றும் கதா் துறை செயலா் வே.அமுதவல்லி, கைத்தறித் துறை இயக்குநா் அ.சண்முகசுந்தரம், துணிநூல் துறை இயக்குநா் இரா.லலிதா, கோ-ஆப்டெக்ஸ் நிா்வாக இயக்குநா் தீபக் ஜேக்கப் உள்ளிட்டோா் உடனிருந்தனா்.