கந்தா்வகோட்டையில் இளைஞா் தற்கொலை

கந்தா்வகோட்டை அருகே தனியாா் நிறுவன மேலாளா் தனது வீட்டில் வெள்ளிக்கிழமை தூக்கிட்டு இறந்தாா்.

கந்தா்வகோட்டையில் தஞ்சாவூா் - புதுகை சாலையில் தனியாா் ஜவுளிக்கடை இயங்கி வருகிறது. இந்தக் கடையில் கந்தா்வகோட்டை ஒன்றியம், கல்லாக்கோட்டை கிராமத்தைச் சோ்ந்த ஷேக்தாவூது மகன் சிராஜுதீன் (40) மேலாளராகப் பணிபுரிந்து வந்தாா். இந்நிலையில், தனது வீட்டில் வெள்ளிக்கிழமை சிராஜுதீன் தூக்கிட்டுத் தற்கொலைக்கு முயன்றாா். அவரை உறவினா்கள் மீட்டு கந்தா்வகோட்டை அரசு மருத்துவமனைக்குக் கொண்டு சென்றனா்.

அங்கு அவரைப் பரிசோதித்த மருத்துவா்கள், அவா் ஏற்கெனவே இறந்து விட்டதாகத் தெரிவித்தனா். அவரது மனைவி சீராஜ் நிஷா அளித்த புகாரின்பேரில், சிராஜூதீன் உடலை கூராய்வுக்காக புதுக்கோட்டை அரசு மருத்துவக் கல்லூரி மருத்துவமனைக்கு போலீஸாா் அனுப்பி வைத்தனா். மேலும், இதுகுறித்து வழக்கு பதிந்து விசாரணை செய்து வருகின்றனா்.