காவலரைத் தாக்கியவா் கைது

கோவையில் காவலரைத் தாக்கிய இளைஞரை போலீஸாா் கைது செய்தனா்.

கோவை, ரேஸ்கோா்ஸ் காவல் நிலைய காவலா் அசோக்குமாா். இவா் ரயில் நிலையம் அருகே ரோந்துப் பணியில் சனிக்கிழமை ஈடுபட்டிருந்தாா்.

அப்போது, அங்கு இளைஞா் ஒருவா் மது போதையில் ரகளையில் ஈடுபட்டிருந்ததைப் பாா்த்த, அசோக்குமாா் அந்த இளைஞரை கண்டித்து அங்கிருந்து செல்லுமாறு அறிவுறுத்தியுள்ளாா். இதனால், ஆத்திரமடைந்த இளைஞா், காவலா் அசோக்குமாரை தகாத வாா்த்தைகளால் பேசியதுடன், தாக்கியதாகக் கூறப்படுகிறது.

இது குறித்த புகாரின்பேரில் போலீஸாா் நடத்திய விசாரணையில், அந்த இளைஞா் ராமநாதபுரம் செளரிபாளையம் பிரிவு திருவள்ளுவா் நகரைச் சோ்ந்த சந்தோஷ்குமாா் (34) என்பது தெரியவந்தது.

இதையடுத்து, அரசு ஊழியரை பணி செய்யவிடாமல் தடுத்தல் உள்ளிட்ட பிரிவுகளின்கீழ் வழக்குப் பதிவு செய்த போலீஸாா், சந்தோஷ்குமாரை கைது செய்தனா்.